Australia gamsung akipuaksawm Cocaine vankham $322 million manneiding lamkal ah kimankhia
Cocaine vankham bekbek pua in Australia gamsung zuanin apai tembaw khat French Navy te’n Pacific tuipi tungah mankhia uh cih AFP pan kiza hi. Hih tembaw tungah Cocaine vankham bekbek akigawm in 1.46 tonnes pua ciliang hi.
Tua apuak vankham teng amanzahding akituat ciangin Australia Dollar $322 million (US$256 million) bang manneiding ciliang uhhi. Friday ni in South Pacific tuipi tungah akimankhia ci a, tembaw tungah nasem Crew Members mi 4 tuang uh a, tuate pen Lithuanian leh Latvian Nationals hiding in ki ummawh hi.
Tua tembaw tungah “Afalina” cih kigelh in, South America panin hongki pankhia ci a, New Caledonia, Noumea khua ah aki mankhia ahihi.
Australian Criminal Intelligence Commission te’nzong hih Cocaine vankham te koipan hongki puakkhia hiam cih International Partners tetawh ki pawlkhawm in kankhiading uh cih kiza hi.
Australia gamsung honglutsawm vankham hizahtak mawkpen lamkal ah French Authorities te’n hong matkhiatsak manin ki lungdam mahmah hi ci’n Australian Criminal Intelligence Commission ah executive director asem laitak ahi Col Blanch in genkhia hi.
International Law Enforcement te ii mapankhop leh sepkhopna athupitzia hongki langsak mahmah hi. Tua akiman Cocaine vankham khempeuhzong Noumea City sung aom Nickel Plant khatah avek in ki haltumkhin hi ci’n genkhia hi.
Australia gamsung ah guihtheih khamtheih vankham pen tammansak mahmah ahih manin, vankhampua Drug-smugglers te’n guklutpihsawm pahpah uh cihi. Australia gamsung ahzong vankham azang mi tamsemsem cimawk hi.
Related: Marawi City kidona ah Australian Journalist khat agawl ah thautang lutin silo bilbel
Nungkhasung inzong USA panin Australia gamsung ah vankham aguklutpihsawm pasal 3 kimankhia cihi. Tuate zong Pacific tuipi tung nawkin vanlengneu khattawh Australia gamsung ah vankham alutpihsawm uh ahihi. Sawltak #zomidaily
Comment piaknop aomleh...