Australia-a MP te’ mapanzia

Australia-a MP te’ mapanzia

Sanggamte, Australia – ah Member of Parliament (MP) cih ciang-in gammite awlmawh mahmah (taktak ahikei phial zong-in kineih siam) uh-a, gaaltaai pangbeel leltak nangawn hong paampaih lo-in, “Gennop, kisam, hoihsak pulaakding na-nei kha-hiam?” ci-in hong gammipih-bawl mahmah ahihna anuai-a laidal nana veel le-uhcin kician mahmah-hi.

Pasian-in Zomite thupha hongpia-nuam mahmah-a, Tedim Tonzaang ciangbek hilo Kawlgam nangawn amakaih theiding dinmun-ah ahongkoih gige hi-kha mawhlo ding-in ka’ sehna-tawh kituak-in “Australia khawng leh Kawlgam khawng tehding hikei” cilo-in akhangkhin gamlian-a panmun neite’ piicinna ciingsiam lehang Kawlgam akhangto-sak mi-thupite ciaptehna-ah “Zomi” masapen theiding ci-in naakpi-in lawpna omhi.

Kawlgam-a MP aseem khinsa khempeuh bek hilo-in “Kumpi naseem” akici khasum saanna panmun angah-kha mi khempeuh-in “Tungsiah maaivil, nuaisiah paampaih” kalsuanna zanghkim uh-a, meigong tagah daaipaamte’ lungdeih cikmah hun-in kidon, kizawn, kitah ngeilo-hi. Tua teekteek-mah Zomite’ kilapsaang nading ci-in ka-sehhi, banghanghiam cihleh ahoih a-om ngeilo lakpan mah-in ahoih hongki pulaak-a hong kizat takciang-in kilangh veva theibek-hi cih kei mimal uplehsaanna ahihi.

Biakna pawlpi, minam kipawlna, beh kipawlna, khua kipawlna-a kipan mipi-tawh vaaihawm-a kalsuanna khempeuh-ah “neupen, zawngpen, cimawhpen, haipen” bang-a I-sehte nangawn ahuamkim lungdeih kaihkhopna ahun-amual zil-in upa makaai khempeuh-in hongvaan, hongdon le-uh Zomi cidam-in Pasian lungkim ding-in lamen hang-ei! Kuamah athuhilh hikei hang-in lungdeih thusunna-mah hizeel-ei.

NB: Hih sapna-ah pai-in MP leh uliante’ maai-ah “kisam ka’ sakte leh ka’ lungdeihte” ka-pulaak liakliak-pen, “hongki bawlsak pahding” cih ahihloh hang-in “MP te-in asepding thei mahmah lel inteh” hongci om peuhmah lo-in hong thupi-laaksak uh-a, record ciatciat uhhi. Atelsiam leh asepsin thei ding-in Pasian-in Zomite hong aangvaan tapeuh-hen!!! Zomi Pasian’ Thupha! Zokhai 960 Narr-Maen Drive, Croydon Hills VIC 3136, Melbourne, AU)