Atuamdiak sihvuidan: Taiwanese Politician

Atuamdiak sihvuidan: Taiwanese Politician

Taiwan gamsungah Politician khat si ahih manin, sihvuini ciangin sikha in apai “Funeral Procession” ah nungak honpikhat in Jeep tungah tuangin Pole Dance lamkawm uh ahih manin, lamdang kisa simtham cih Straits Times pan kizasawn hi.

Pole Dance tepawlpen Night Club khawngah akizangzaw himah taleh lamet hetlopi in sihvuina ah honglammawk uh ahih manin, amukha peuhmah in Video leh Photo zaihpah ziahziah uhhi. Hih thupiang pen Taiwan’s Chiayi County sungah Tuesday (Jan 03) ni in thupiang hi a, Chiayi County Council Speaker Tung Hsiang ii sihvuina ah ahihi.

Tung Hsiang pen Dec 14 ni in asi hi a, kum 76 bang phakhinta hi. Sihvuiina ah Jeeps bekbek 50 bang kizang a, tua Jeep tezong Color atuamtuam acikmahmah in kizemgawp hi. Tua Jeep te tungah nungak honpikhat Pole Dance lamsa in Tung Hsiang ii luanghawm vuina nei uhhi.

More: Brazil thonginn ah thongkiate kilai, mi 33 sihbeh

Hihbangin bangding a kivaihawm hiam cih akidot ciangin asipa ii atapa in apa pen gualnop lamsang a uk mahmahkhat ahih manin, ama hun nunungpenpen ah lungnuamtak in alungkim nadingin hanmual ah akhakhia nuam kahihi cihi.

Apa lungkimnading abawl hibilbel ahih manin, athupikhual mahmah hongkikik seisai hi 🙂 Zomi te zong sihkhit nungsang ah sakhawng kigawh panpan hive hang maw??? ZD Sawltak #zomidaily