Athahlup numeino ii aluanghawm apaihsawm pasal khat kiman

Athahlup numeino ii aluanghawm apaihsawm pasal khat kiman

Malaysia, Sarawak sungah pasal khatin ama thahlup numeino khat ii aluanghawm apaihsawm laitak in palik te’n mukha in kiman cih theStar pan kiza hi. Tua athahlup numeino pen kum 13 aphapan khat ahihi.

Hihvai tawh kisai in palik thuneipi ahi Sarawak CID Chief Senior Asst Comm Datuk Dev Kumar in agenna ah khuasung avak kawikawi Patrol Police te’n Tuesday nitaklam 5:55pm hunpawl in Kuala Baram Road kici lamzikpi gei ah mawtaw akhawlkhat galmuh uh cihi.

Tua mawtaw pen anunglam Car Boot pen aki hongsa in om a, pasal khatzong agei ah kimu cihi. Patrol Unit te’n anaihphei uhciang in tuapa in amawtaw anunglam Car Boot pen khaksukvat in, mawtaw sungah lungvingveng a, taikhia vingveng hi.

Patrol Police te’nzong palik mawtaw tawh tuapa anung panin delhdelh uh a, 5km bang adelhkhit uhciangin Miri Port geinai ah tuapa pen manthei uhhi.

Mawtaw sungpanin tuapa pen paikhiasak uh a, mawtawsung asit uhciangin Car Boot sungah numeino khat ii aluanghawm khat kimukhia hi. Tuaciangin tua mawtaw tawh ataipa kimansuak pahhi.

Athu akidot ciangin tua athahlup numeino ii anu tawh tua mithatpa pen aki ngai cisawnsawn hi. Mithatpa pen Kuala Lumpur khuasung ah aom hi a, Miri khua ah Furniture Shop khatah nasem in aom ahihi.

Video: Furniture worker nabbed over murder of his girlfriend’s daughter

Miri khuasung ah nasem in aomlaitak in Kuala Baram District aom athahlup numeino te innkuan tawh aomkhawm uh ahihi. Tua numeino pen athahlup khitciangin Car Boot sungah hencip in, gamsung ah aluanghawm apaihsawm cimawk hi.

Bernama News te genna ah tua numeino ii anu pen kum 35 aphakhin khat hi a, Hair Salon ah nasem cihi. Tua nupinu leh mithatpa pen akitheihzawh kum 2 bang sawtkhinta a, abeisa kumkhawng akipan ki ngai uhhi.

More: USA ah mithat vaitawh Hrang Lian Mang leh David Sui Ceu kiman

Numeino pen sangkahlai hi a, mithatpa tawh innsung khatah aomkhawm uh hi a, kitawng in, agawlpan in ameklum hiding kici hi. Mithatpa pen palik te’n kemphot uh a, thusitna kinei kikding cih kiza hi. Sawltak #zomidaily