Asia Pacific Summit of Refugee Meeting nuamtak kizo

Asia Pacific Summit of Refugee Meeting nuamtak kizo

Refugee Council of Australia te makaihna tawh “Asia Pacific Summit of Refugee” Video conferences Meeting ni 22/10/18 ni nai 2:00pm – 9:00pm in ki nei a, nuamtak ki zothei hi. Refugee Council of Australia makaite deihsakna tawh vanleng ticket hong khak ban-uah ka tunna ding zinbuk (Motel) nuam mahmah hong koihsak uh ahih manun ka lungdam mahmah hi. Halleluiah!

A ki helthei gamteng, Thailand, Malaysia, Bangladesh, Indonesia, India, Hongkong, Japan, Newzealand, Afghanistan, Australia, New Delhi, Iran gamte ahi hi.

A gamgam panin amau haksatna ciat hongpulaktek uha, tuate pen UN te kiang leh gam makai pawlkhat tungah pulaksawn sakding gelna nei uh hi. Australia aom te’n HOST International, Level 1, 31 Grose Street North Parramatta, Sydney ki zangh hi.

Tukum June kha Geneva UN Meeting ah Refugee Council of Australia te’n India leh Malaysia aom Zomi Refugee te haksatna thute a mumun pan I hihtheihnate it-siitlo a I puaksak thute zong, limtak hong pulak sak uh ahih manun tu-in Malaysia leh India aom Zomi Refugee leh Chin Refugee te vai tampi hong ki lamdang tuam cih thu zata ahih manin lungdam hang.

Mailam ah Refugee nasepna peuhmah akua mahpeuh in neungaihsut, neumuh kha hetlo a, I hihtheihna bangbangin mapangkhawmlai ni. A maute hang mah in biakna makaite nangawn gamthumna painuam kituh in innhoih, lohoih a neih lawh, makai asuah lawh, kha sum asan lawh tampi I om ban-ah, I Zogam leitang aom khua leh tui tampi in zong noptuam lawh cih thu kiza hi.

Rev. Do Khan Khai
President
Zomi Innkuan Australia