Malaysia ah pasal khatin apianpih asanggam numei 3 buan ahih manin kiman

Malaysia ah pasal khatin apianpih asanggam numei 3 buan ahih manin kiman

Malaysia gammi kum 18 aphakhin pasal khatin asanggam laiguizom apianpih numei 3 te zawhthawh thutawh buan “Rape” ahih manin kiman cih theStar pan kiza hi. Asanggam numei abuante pen kum 8, kum 9 leh kum 14 cihbang aphakhinpan cihi.

Tua asanggam numei abuanpa pen Saturday ni in Sungai Petani Magistrate’s Court ah thukhenmang te’n thusitna nei in, ahi zongin July 28 nidong Remand tawh kikem photding cihi.

Abeisa Thursday ni in kum 8 aphapan asanggam numeikhat buan ahih manin, abeisa agamtatna tengzong abanban in hongki theikhia hi. Kum 8 aphapan numeinu inzong anu kiangah asanggampa bawldanteng genkhia ahih manin, anu in athuteng atheih ciangin tuani mahin Police Report bawlpah hi.

Azingciang in tua mibuanpa pen Kuala Muda District sungah kiman khiapah hi.

Akimat khitciang in athuteng hoihtak kidongpah a, asanggam numei kum 8 aphapan pen abeisa Wednesday ni in abuan ahihi. Nitaklam 8pm hunpawl in amau omna inngei ah innhawm khat om a, tualai ah asanggamnu taalkaih in, kuamah aomlohna innhawmsung ah abuan ahihi.

Kuamah genkhiaken ci’n vousawnsawn ahih manin, numeino inzong genkhiangam paklo hi. Ahi zongin azingciang Thursday ni zingsanglam 9am hunpawl ciangin anu kiangah genkhia vee hi.

Hihte unau pen akigawm in 12 pha uh a, apa uhpen mikiang ah nasemmi “Labourer” khat kici hi. Anu uh ahihleh nasep neilo in, innnupi ahihi. Anu in hihthu atheih ciangin Police Report bawlpihpah hi.

Video: Youth who allegedly raped his 3 younger sisters remanded for 7 days

Kuala Muda district deputy police chief Supt Saifi Abdul Hamid in agenkhiatna ah hihpa pen thu hoihtak akisit ciangin abeisa inzong asanggam numei te nihtak buanngei cisawnsawn mawk hi. Tua abuanhun laitak in asanggam numei khatpen kum 9 hipan a, adang khatpen kum 14 ahihi.

Tuahunlai inzong atanu te’n anu kiangah gen uh himahleh atapa in tuabang in gamta keng, ka sanggam numei te’n hong minsiat saknopman hi ci ahih manin anu’n akimawlna, ciamnuih bawlna hilelding ci’n Police Report bawllo hi.

More: Malaysia ah numeino kum 3 aphapan khat abuansawmpa kiman

Asanggam numei 3 tepen akisitcian dingin zato ah kipaisak uh ci a, mibuanpa pen athu ki kancian in thusitna kineikikding cihi. Police te genkhiatna ah “Section 376B of the Penal Code” thukhun tawh kizui in amawhna kiciantak in aki muhkhiatleh thong kum 10 panin kum 30 kikal kikiasak dinga, ciangduai tawh tawsatzong ki thuaksakding hi ci’n genkhia uhhi. Sawltak #zomidaily