Singapore pasal khatin anu buan ahih manin thong kum 16 kiadingin thu kipia

Singapore pasal khatin anu buan ahih manin thong kum 16 kiadingin thu kipia

Singapore gamsung ah pasal khatin apianna anutektek buan (rape) ahih manin thong kum 16 kiading in thu kipia cih MMOnline pan kiza hi. Thong kum 16 akiatding banah ciangduai tawh tawsat 16 Strokes zong kipiakbeh hi.

Tua apianna anu “biological mother” abuanpa pen kum 34 aphakhin khat hi a, anu buanzel, zahmawhvai tawh nawngkai sakzel (Raping & Molesting) cih High Court Judge thukhenmangpi te’n kiciantak in mukhia uh ahih manin, thong kum 16 kiading in thu apia uh ahihi.

Anu khualna in tuapa ii amin apuam pen kipulak khialo hi ci’n Judicial Commissioner Foo Chee Hock in genkhia hi. Tuapa in anu anunungpen anawngkaisak pen abeisa 2013 kumsung ahihi. Anu buan, nawngkaisak ahih manin, akiman hi a, zanni Wednesday (March 14) ni in thukhenna aki neisiangta, thongkiatding zah aki genkhiata ahihi.

Tuabangin anu abuan hunlai in anu pen kum 53 phakhinta hi. Deputy Public Prosecutor Sharmila Sripathy-Shanaz in agenkhiatna ah abeisa kum 30 hunlai in asuahkhiatna anu abuankik himawk a, agamtatna pen bangci genkhiatding cihzong kammal katheipak nawnkeiliang hi ci’n genkhia hi.

Tuapa pen agamtana hangtawh Wednesday ni in “rape, molest, aggravated molest” cih mawhna Charges nam 3 tawh thu akibawl ahihi.

Lungsim ngaihsutna lamsang atheihdeuh siavuan “Psychiatrist” in thukhenzum ah tehci agenkhiatna ah anu pen buan athuakzawh alungsim linglawngden in “Acute Stress Disorder” natna ngahlawh hi ci’n genkhia hi.

Athu pianzia pen nupinu in pasal neikik a, apasal tawh inndei aneu mahmah “one-bedroom flat” sungkhat ah aom uh kici hi. Tuabanghun laitak in atapa pen nasep kicianzong neilo in, aom nadingzong neilo ahih manin, anu in atapa hehpihhuai salua ahih manin, a inn uhah aomsak ahihi.

Anu te omna inndei pen neumahmah in, lupna khat, cupboard khat, sabuai aneukhat, dailenbuk leh anhuan nadingin abawltawm uh makeshift kitchen cihtengbek aomzia inndei aneu mahmahsung khatah anu te aom ahihi.

Atapa aomnading aneihloh ciangin anu in hehpihhuai sa in, a inndei sungah omsak a, midang hilo atapa ahih manin zanciangin akhekhuan ah lumsak uhhi.

More: Singapore numei khatin lawmngaih ngahzolo ahih manin Online ah ki tangko

Tuabang tengtawh 04 October 2013 kum, zingsanglam 2:30am hunpawl in amau nutaguak inndei sungah aomlaitak in atapa in anu abuan cimawk hi. Tulai leitung thuthang, thupiang tezong lipkhap dikkuat kihhuai semsem hi. Sawltak #zomidaily