Amawk nekveve ding An’ Uite pialeng ibenggong seselo

Amawk nekveve ding An’ Uite pialeng ibenggong seselo

Thuphatna: Gamkhat, Minam khat, Ngeina kipnei khat khantoh nading in amuanhuai makai te in hong makaih ahihi. Ahih theihzah top in ma apang uh ahihi. Apilna zah, Asiam nazah, Atheihna zah sit hetlo hi. Hongki makaihna ah amau neihsa ahi pilna ,siamna, theihna muhkholna te keptuam’ siiittuam cih nei sese lo ahihi.Ahih hang sum leh paai ah mapan ding hun teh Zomi in sumtuam kinei samlo ahih man in hamsat phukha veve uh ahih man in i theihsiam na kisam ahihi.

Zomi ading in;

Zomi sungah ah tua mah tawh akibang in hong kimakaih na higige hi. Mihing te in kicinna namkim kineilo tek ihihi cih i kithei kim hi. Zomi leh Zogam ading in kipawlna leh masuan mapan theihna nam kim sepkhiatna ding in MIN kisam ahihi. Mintuamtuam nei in masuan tuamtuam vai tampi aom kawm kalah Zomi hongvei natungtawn in mapan na tuamtuam ahi Biakna lam, Minam lam, Ngeina lam, Laina sepna , Nunkhuasak zia lamhil nalam, Sumzon lamhilna , Cidamna lam, Pilciimsiam na lam, Kilung hualna lam’ kimakaihna tampi Zomi sungah ah om ahihi.

Tua thute avaihawmna ding in kizopna thuthang kizak kitheihna Lailam nasep, Mel in muh theih nasepna, aliim leh awte tawh zak kim theih ding in’ avei te in na asep mahmah din mun ah Zomi te kitung ahihi.Tua bang din mun laitak in athu khel thei aphengphi’ zong kiom veve ahihi. Tuabang te zong ngaihsutna hoih lam in laksak leng Hehna , Thangpaihna, Hazatna, Huaihamna, Lithatna, Mudahna, Etsatna cih te bei omlo thei ahihi.

Makai te sang Nungzui te Lungsim kilang masazaw:

A kisuakta leh gamtuam neite kihi taktak sam lo in’ Kawlgam ah Kawlte pangbel kihihi. Gamdang ah ituntun na gam te pangbel kihihi. Acih bangbang mankulna zong hongkisam zel ahihi. Eithu tawh gamtang thei kiom in’ Eithu hilo honguk te thutawh zong gamtat akulna zong omding leitungngeina ahihi.

Mihingte lungsim ah atamzaw pen Kei,Kote,hong paampaih zaw deuh uhteh, Tuate, Note’ kihamphat zaw deuh uhteh cih leitung minam kim khempeuhte Lungsim ah om ahihi.Hongki makaih nakhat peuhpeuh ah avangkim aa, i ettelsiam loh man in kihawm thawh na om den ahihi.

Gentehna tuamtuam kikum ni cileng Khuata neuno khat pan in zong buaina lianpipi om a, Khuapi te ahzong atamzaw sem in om ahihi. Eitumtek in i ngaihsutna omsa ciat bang in thuluanzia hong pai pahpah kei leh eitek thusuak bangtektek in i phunphun ihang seshu hi.

Kihawm thawhna thu namtuamtuam;

Minam vaibang ah ci leng kipawl natuamtuam mintampi omte ah aphatphat ki om in agensiasia zong kiom leitung ngeina ahihi. Nopsak hun’ Tuahphat hun, Cidam hun te ah kua mah kiphawk kha se lo , Upa Makai, Nu leh Pa’ Minam Nu Leh Pa te ki pawk seselo ahihi. Ahih hang namdang te in Eigam, Eilei hong nualsuat ding, hongsusia ding thu aom ciang in mapang khawm ding sem khawm ding te i hi kimlai eite kihawm tawhna om masa den hi.. Tuabang hun om ciang in nasem nailo kihawm thawhna pen Makai lam te in thuak kha mahmah ahihi.

Makai te, gina kei’ Hong enkei, Kei hong paampaih deuh, Kote hong hici bawl deuh lua sa ing cih thute’ kisamlua nailo pi in ging khia baih mahmah Zomi te ihihi. Zogam kial leh vaih hun Zomi nam beidong in aom hun’ Acih mawh mahmah hun in kihutna ding vaihawmna te ah kipan pihna sang in tua cih hang hi. Tua cih seplo hi uh teh’ Tuadan ding hikei cih athusai pi ding mikitam mahmah thei zawsop hi.

Zomi ading mapan theihna tuamtuamte;

Zomi mintawh namvai mapan nate ah Zogam kumpi khasum lawhsang kuamah om nai kilkel lo in Aituamveina tawh asep vive ahihi. Zogam in Sumtuam kineinai sam lo in Minam dangte sum kawm in ei te kiphuah sawm aa,mapang a kithawi panpan te i hihi.

Minamdang te in ahih leh Mintuam neih’ Gamtuam neih, Lai leh Ngeina tuam neih zo uh aa, amau khe tawh lampai in’ amau khut tawh an khuang ummthei nethei uh ahihi. A ngaih sutna khuakte in vanzat nate nam tuamtuam vanzat te bawl siamna nei uh ahih man in midangte tungah amawkna in aminam liatnate, asinphatna, Ngeina leh Laite pilvangtak in azangsiam sak thei din mun atung uhhi.

Minam leh Kampau,Ngeina leh Lai daipihgamlo lungsim;

Eite in ih hi leh Ipianna Nu leh Pa, I pian na inn, Ipianna khua, Ipian na gam leh I minam min, I ngeina hoih, i Zolai I kampau te mite lak ah i mai zum pih hi.

Yangon tungsuk in BUS sung kawlmi te lak ah Zopau in pau gamlo sal leh sila lungsim nei” Kawl Pau thei napi a awsuah zia dikloh ding lau man in pau khia gamlo, mi ki om lai ahihi. Mi lungsim picing zosa hih leh Vai mite amaupau, Kawlmi te’n Kawl Pau, mivom/mikang miten amau pau tek in Bus sungbek ahi zong in pau ziahziah lel uh ahihi.

Paubanna namkim kizongzong:

Gentehna khat ah Mihau/pil pa khat in amipih mizawng mihai te ni khat an amawkna in vaak hi. An mawkpiak hi. Tua leh An mawk neknek te in gensia uh hi. Sial in siksik leh neknek thuah acih bang ahihi. Mihau pa aw, Na meh lim kei,Cii al kei, Ciil allua, Meh tuilua, Meh haa lua, Na an hullua, Na an nawilua , An min kei, Na an kaang lua cih bang in gen sia dikdek uh hi kicihi.Ahih hang akhawnkhong in annene te uh ahih lam kithei se lo hi.

Thukhupna;

Tua bang thu aom ciang in nikhat Mipil Mihau pa in anvaak kik ding mawk neek ding hun khat la leuleu hi. Mun khempeuh ah aom mi khempeuh sam in Na ui, Na vok , Na ak uh tawh hongpai uh ci in mizawn sak hi.

Mikhempeuh zong ainn khawi Ui, Vok, Ak tengtawh mihau mipil pa in ah apai uh hi. Tua leh annek hun ciang in Mipil Mihau pa in Ui , Vok, Ak teng mun khat ah koih hi. Akoih khit ciang in mihing apiak ding AN limnonote tua Ui, Vok , Ak teng avektang in apiahi.

Mipi te agil kial mahmah uh aa, Mipi hon te in Mipil Mihau pa kiang ah Bang hang in Mihing te neek ding Anliimnono te ganhing pia na hiam? ci-in adong uh hi.

Mipil Mihau pa in noh mihingte khatvei an kong piak hun lai-in anliim kei, cii al lua, meh liim kei, an hul lua, an nawi lua ci in nong gensia ngeingai uh hi.

Tu in en un Mihingte an nek ding hih Ui, Vok, Ak te ka piak ciang in Mehliim kei, Cii al lua/kei, cih te an hullua/ nawilua, cih te om se lo in akipia bangbang in ne uh hi. Tua ahih man in amawk nek veve ding ante Uite pia leng ka benggong lo hi acihi. Hau Thang