Alexander the Great thuhilhna

Alexander the Great thuhilhna

Hun khat lai in a minthang mahmah, leitung gamtam pi a uk Alexander the Great a ki ci galkap mang (kumpi) khat om hi. Galdo in zawhcih tak zo in hauhcih tak a hau kumpi khat ahihi. A galdo khempeuh zo in a deih khempeuh a nei kumpi a hihi.

Tua kumpi pa in a sih ma in laidal tungah a sih ciang aa a kibawldan ding at in a sih masiah kuamah musak lo hi. Tua laipen a mimuan te tungah nusiat hi. Tua lai sungah:

1. Ka sih ciangin ka luanghawm pen Siavuan minthang pen te cih loh kuamah in lawng thei lo ding.

2. Hong ki vui ciang in ka inn leh lampi ki kal lampi bup ah ngun leh kham, sum leh paii phah ding.

3. Si kuang ii a pua lam ah ka khut te nih ki dawk khia sak ding hi, ci in ngelh aa, a sih ciangin tuabang lian in kibawl hi.

A nuai lam nasim ma in a deihna tawmcik na ngaihsun pak in… sim kik pak in la.

Alexander Great ii a deih na:

1 pen Mihing te pen sihna tawh ni a tum tek i hihi. l sih ciangin a pilpen, a siampen siavuan manglian khempeuh i gei ah om in honghuh nuam mah ta leh honghon khia zo tuan lo hi cih a gennop na a hihi.

2 na pen lampi dungah ngun leh kham phah ding cih hi aa, a deihna pen leitung pen khualzin na khat a hihi. l khualzin sung in hauhna, pil na, minthan na khempeuh i ngah zong in, i khualzin na hongbei cingin lampi ah tua te khempeuh ki nusia kik hi. A ki nusia cip hi lel hi a cih nopna a hihi.

3 na ii deih na pen ka nusung pan bangmah tawilo in ka suahkhiat mah bang in kasih ni in zong kaneih ka lam, ka pilna, ka minthan na te khat zong ka tawitheih tuan loh na hong en un. Ka khut sungah bangmah ciahpih tuankeng hongmu un a cih nop na a hihi.

Hih Alexander the Great i thu hilhna pen tuni dongminthang lai aa, leitung ah bangzah tak in i gualzawh hang in a kibang vive i hihi cih hong tel siamsak hi.

Ki phat sak na dingkhat zong i nei kei aa i nuntak sung in lungnop ding leh mite a’ ding aa nuntak na pen a manpha mahmah a hihi. Siamsin Library