Aki mukhollo mawtaw khat hangin Accident piangin lamdang kisa mahmah

Aki mukhollo mawtaw khat hangin Accident piangin lamdang kisa mahmah

Singapore gamsung ah Car Accident khat Video kizaihkha, Dashcam panin Video Record kibawlkha hi. Tua Video pen aki etkik ciangin, taih athuak mawtaw pen koipan in hong pusuak hiam cih ki ngaihsunzolo in Netizens te’n lamdang samahmah uhhi.

Tua Video pen ettheih dingin ROADS.sg te’n Facebook ah khahkhia uh a, lamdang kisaciat in ki limet mahmah ahih manin kalkhat sungin 369,409 Views bang phakhin hi. Comment kinialna, kikupna bekbekzong 160 valbang phakhin hi.

Video sungah mawtaw khatpen Traffic Junction khatah taklam zuanin apialsawm ahihi. Traffic Light ama paitheihhun atun ciangin taklam ah mawtaw hawlphei hi.

Mawtaw bangmah apai omlo in taklam ah apialphei laitak in thakhatthu in mawtaw khat hong suakkhiavat in, ahunlap in Brake sikman nawnlo ahih manin, taihsukloh phamawhta hi.

Tua taihkhak athuak mawtaw pen Video sungahzong ki mukhol vetlo in, koipan in bangci bangin hong suakkhiavat hidinghiam ci’n hih Video amukha peuhmah in lamdang samahmah uhhi.

Netizen Elfie De Souza akicipa in agenna ah “hih Video Clip pen tamveipi ka etkikkik hangin, taihkhak athuak mawtaw pen koipan in hongsuakkhia cihpen ka ngaihsun theikei hi” ci’n genkhia hi.

Jacky Tong Liang kici Facebook User khatinzong “lamdang mawkmah ei. Tamveipi ka etphatphat hangin, tua mawtaw pen koipan bangci bangin hong suakkhiavat cihpen ngaihsun theivetkeng” ci’n genkhia hi.

Alan Wong akici khatin agenna ah “hihpen lamdanglua, dawi himai inteh” ci zawzen hi.

Hih dawi mawtaw “ghost car” akiciliang mawtaw pen koipan hong pusuak hidinghiam? Ataihkha mawtaw Driver peninzong mulo hiding hi. Mu hileh taihsuk hetloding hi kici in kibuaipih mahmahtek hi.

Video: Netizens baffled after car seemingly ‘appears’ out of nowhere, causing accident

Athupi luamahmah cihbangbel hisamkei, ahi zongin Singapore ROADS.sg te’n limgen, lim suahsak mahmah uh ahih manin, kong suahsaksawn uhhi. Video na etkhit ciangin na upmawh khatpeuhtawh anuai ah hong Comment mawkmawk dihve lehlawm. Sawltak #zomidaily