Akhetung dimin Cocaine pua in US gamsung alutpihsawm khat JFK Airport ah kiman

Akhetung dimin Cocaine pua in US gamsung alutpihsawm khat JFK Airport ah kiman

Dominican Republic gampan in US gamsung ah Cocaine vankham guklutpih sawmin akhe tungah Tape tawh matcip in aselsim pasal khat vanlengtual ah kiman veve cih Daily Mail pan kiza hi. Dominican Republic gam lampan in kitheilo himahleh US gamsung alutkhit New York’s John F. Kennedy International Airport panin aki mukhia ahihi.

Akhe langnih tungah Cocaine vankham pen Tape vive tawh belhcip in apuak hi a, Cocaine avekpi in agihna pen 5 pound phading ci a, asumin US Dollar $83,000 manneiding kici hi. Hih Cocaine vankham apuapa minpen Mayobanex Ruiz Gomez kici a, Dominican Republic gammi khat ahihi.

Tukha kipatcillam inzong hihbangdanlian in US gamsung ah vankham aguk lutpihsawm khat kimankhia ngeikhin hi.

Tua akimanpa pen US Citizen khat hi a, aminpen Juan Carlos Galan Luperon ahihi. Dominican Republic gam mahah ahawh hi in, US gamsung aciahkik lamciangin akhetung ah Cocaine vankham honpikhat hencip in guklutpihsawm hi.

Tuapa hunlai in apuakpen Cocaine bekbek 10 pound bangpha ci a, asumin akituat ciangin US Dollar $164,000 bang neiding ci uhhi.

More: USA ah khangno khatin anu a ngawng tansak in innmai ah alu vakkhiatpih

Thunei te’n hih mi 2 te kizopna aomleh omlohpen genkhiatna neilo uhhi. ZD Sawltak #zomidaily