US gamsung ah aguk lutsawm Chinese gammi 4 kiman
Mexico – California gammi aom San Ysidro Port Entry panin Tuesday ni in pasal khatin US gamsunglam zuanin mi 4 guklut pihsawm ahih manin Custom Officers te’n mankhia uh cih KTLA5 News pan kiza hi. Tua aguk lutpihsawmpa pen U.S Citizen khat hi a, kum 24 aphakhin khat ahihi.
U.S. Customs and Border Protection Officials te genkhiatna ah tuapa pen Chrysler 200 Sedan mawtaw te khat ahawl ahihi. Mexico gamsung aom Tijuana City panin gamgi aom San Diego City nawkphei in US gamsung alut pihsawm cihi. US gamsung alutlianding in Inspection akibawlbawl laitak in U.S. Customs and Border Protection te ii zat uipil te’n tua mawtaw pen kimvialvial uhhi.
Tua Canine Team uipil tepen guihtheih khamtheih vankham khawngleh mihing ngiat agimnam tawh atheiding in akihilh hi a, tua uipil te tungtawn in mawtaw anung Trunk sungah mi 4 aomlam ki mukhia hi.
Officers te’n mawtaw anungbawm ahon ciangin asungah pasal khatleh numei 3 akihel phitphet in aom mukhia uhhi. Avek un Chinese Citizens vive kici hi. US gamsung luttheih nadingin Legal Authorization bangmah omlo, neilo uh ahih manin Officers te’n manpah uhhi.
Federal Officials te’n a mawtaw matsak uh a, ahawlpa zong kiman in Federal Immigrant Smuggling tawh thu kibawlding cih kiza hi.
Chinese Citizens 4 tengpen Criminal Case sitcianna akineihkhit ciangin US gamsung panin ki nawlkhin khiading cihi.
Related: Mexico vanleng tung khatah gul ahinglai kimu ~ ZD
Photo na endih un, kuateng hihbang in mawtaw tuang ngei? Malaysia leilam tawh paisang in noptuakzaw veve mate 🙂 ZD Sawltak #zomidaily
Comment piaknop aomleh...