A zahnih in khial ing ~ JK Kam

A zahnih in khial ing ~ JK Kam

@ Kei tungah hong khial a ommah bangin, mitungah ka khialhna zong tampi mah om hi.

@ Midang tunga ka khiahnate ka ngaihsut kikkik ciang, amau tung bekah a khial hiloin, NANG tunga kong khialhna lian sa zaw lai ing.

@ Khialhna khat tungtangah A ZAHNIH in a khial den ka hih lam kiphawk kha kahih manin midangte khialhna ka maisak ding gentham sa nawn keng.

@ A ZAHNIH ka khialhna maisak ding kitangsam den kahih manin ken ka maisak zawhloh ding khialhna bangmah om nawn kei.

@ Hong khialte ka maisak nailoh omlo ahih manin, A ZAHNIH ka khialhna nong maisak ding hong thum ing ei Topa…!!! JK Kam

Hun tomno

@ “Ih nuntak sung khempeuh mi khat tawh kithuah suak” cih om theilo a, ih kimuh – kithuah pih khempeuh HUN TOMNO khat (a kiciangtan hun) sung bek ahih manin tua ih kithuah khak pak hun tomno sung pen a manpha – a lungkimhuai thei pen in zat huai lua mahmah hi. Banghang hiam cihleh tua hun sauvei hetlo dinga, zong ki ngah kik nawn hetlo hi.

@ Tulaitak ih kimlepam a om miteng tawh hidan lian a ih leenkhop theih dan HUN NUAM pen sauvei lua hetlo dinga, nuam ih kisa kei phial zongin hih hun denciang hong bei takpi lel ding hi.

A thupi khatah:

Hun tomno sung ahih hang ih kibawl dandanin ih KHANG TAWNTUNG kiciamteh – kimang to suak ding ahih lamtak thei siam hilehang kimuhdah huai hetlo, kilangpan taak hetlo a, a nuam thei pen in kiho in thupha kibawl huai lua mahmah hi ve aw. (JK Kam)