A theihhuai upna laang (No. 2) ~ Langh Khan Mung

A theihhuai upna laang (No. 2) ~ Langh Khan Mung

Prosperity gospel pen pentecostal upna, New Thought upna leh American gospel of pragmatism-ngaihsutna hilo sepkhiat taktakna bek thupi hi, Individualism-mundang panin huhna hong pailo-a, ei sung panin hong pai hi cih upna, upward mobility-asanna lam beh cih ngaihsutnate tawh a kigankhawm upna ahi hi.

Hihte pen Andrew Carnegie i thuhilhna leh laigelhna ” The gospel of wealth” cih leh Russell Conwell i thuhilhna leh laigelh “Acres of Diamonds” စိန်ဧက ​ပေါင်းများစွာ i deih leh kileithei lai te ah kilimgen mahmah hi. Hihte sungah Mawhna leh Zawnnate kibang kikimsaka, gospel of wealth-Hauhna lungdamna thu i cih in, Pasian’hong piak hilo-in mimal’ hanciamna leh gualzawhna hi (Muscular Christianity) cih upna hi.

1880 kiimin The New Thought movement hong laanga, hauhna dingah lungsim thahatna (the power of mind) hipi pena, lungsim leh pumpi damna dingin i kam tawh a gingkhia-in (ka damzo hi) 2 cici-in lungsim kithakhauhsak tawmna-auto suggestion hi.

Lungsim thahatna thu-the power of mind a gen kawmkawmin, sum leh paai, neihsa-lamsa hauhna gualzawhna material success thu hong uang gen uh hi. Hih thute pen ei leh ei kihuhna-self help laibute leh popular psychology laibute-ah kitam muh mahmah hi.

Hih lungsim thahatna-the power of mind pen pentecostal upna-ah khumin a gankhawm pen Higher Life Movement a phuankhia tuiphum pastor E.W.Kenyon hi. 1890 in Emerson College of Oratory-mipi mai thugendan hilhna sangpi hong kaha, New Thought te hong theikha hi. Pentecostal makai minthangte tawh hong kikhawlin “Supernatural revelation and positive declaration” I kam tawh cici lehang i lungsim tha hat dinga, i cih bangin hong piang takpi ding hi cih laibu hong gelh hi.

Eite’tang dingin Khazih hong kipiakkhiatna-substitutionary atonement in thu-um mite hong damsak hi. Upna tawh i kamin pulakkhiatna tawh kidam hi. Pasian in a piansak ding lai-in “Piang hen!” ciziau-a, Thu(the word of God) tawh piangsak hi. Zeisu sihna leh thawhkikna-a azat Thu (the word of God) pen Pasian in thu-um mite hong zanghsak hi.

Thungetna i cih pen ngetna-tauna hilo-a, hong kipiakhinsa, thu aminsate lakna,kalhna Legal act hi ci uh hi. Pasian in piak dingin asehsa ahih manin damna pen nget ding hilo-a, lak ding-kalh ding-demand ding hi ci uh hi.

Kenyon in hih banga ahilhnate pentecostal upna tawh hong kihual mahmah hi. Pentecostal-te in upna tawh damna-faith healing thupisak uh a, i kam panin a gingkhia-a genkhiatna (strong belief in the power of speech) thupisak a, Pasian min(the names of God) in vang nei mahmah, a diakdiakin Zeisu min (the name of Jesus) in vangnei ahih manin a gingkhia-in i zat ding hi ci uh hi. Langh Khan Mung