Portugal leh Spain palik te’n lengthei sungah akiselsim vankham 745kg mankhia

Portugal leh Spain palik te’n lengthei sungah akiselsim vankham 745kg mankhia

Portugal leh Spain gamnih thunei te’n guihtheih khamtheih vankham “Cocaine” bekbek akigawm in 745 kg mankhia uh cih Reuters te’n genkhia uhhi. Tua Cocaine tepen lengthei “Pineapple” bangdanin asungah selsimin apuakna panin akimankhia ahihi.

Tua Cocaine bekbek akigawm in 745 kg (1642 pounds) tepen South America gampan in kipankhia in, Europe gamsung muntuamtuam ah zuakding in akipuaksawm ahihi.

Hih Cocaine teng akimat banah vankhamsem Gang Member zong mi 9 ki mankhia uhhi.

Hihbangin Cocaine ki gukpuakzel cihpen Portugal leh Spain gamnih te’n theihna neikhin uh a, abeisa April 2007 kumpek in gamnih kipawlkhawm in akansimdet uh ahihi.

Video: Portuguese, Spanish police bust huge ‘pineapple’ cocaine ring

Tutung petpet ciangin Europe gamsung tembaw “Shipping Containers” tawh puakding in Pineapple sungah akiselsim Cocaine honpikhat akimankhia hi ci ‘n Wednesday ni in gamnih thunei te’n genkhia uhhi.

Portugal pain thukan ahi Portuguese Investigators te’n Statement akhahkhiatna ah hihbang in gamtuamtuam aom vankhamsem Gang Member kipawlna te’n vankham tampipi European Continent sungah lutpih zelzel uh cihi.

More: Mandalay ah 60 Billion Kyat manneiding vankham kiman

Tuabang in vankham akipuak ciangin Iberian Peninsula kici kuamsungteng kinawkden a, tuamun pen Cocaine leh adang vankham Drug tuamtuamte alutna Major Entry Point khatzong ahihi. Tuapanin Europe gamtuamtuam leh Latin America cihtetawh kizom uh a, migilo vankhamsem te’n North Africa leh West Africa paninzong vankham tampipi puaksimden uhhhi. Sawltak #zomidaily