Kawlgam ah thonginn angak palik khatin thongsung ah vankhamzuak in kiman

Kawlgam ah thonginn angak palik khatin thongsung ah vankhamzuak in kiman

Kawlgam sung aom thonginn khatah thongcing palik khatin Opium vankham zuak ahih manin kiman cih DVB pan kiza hi. Myanmar, Sagaing Region (Division), Kalay Township sung aom Mawlaik khua ah thonginn sungah March 05 ni in thupiang ahihi.

Thonginn tawh kisai ulian te’n thonginn sungah ummawhlohpi in Checking abawlna panin thongkia khattungpan in vankham beng mukhia uhhi. Thongkia khatpa ii apuanlum ipsung aom Plastic bung sungkhat ah athoh neuneu in akitun beng thoh 28 ki mukhia a, avekin agihna akigawmpen 2.24 Gram pha cihi.

Tua vankham tawh akiman thongkiapa hoihtak in aki sitsit ciangin thongsung ah aompih mi 2 te tungpan in angah khiat hi cileuleu hi. Tua thongkia 2 tezong abanban in aki sitsit ciangin tua vankhamte pen thonginncing palik khatpa tungpan in alei uh cimawk hi.

Tua thonginncing palik pa akisitna panin agenkhiatna ah March 01 ni in alukhu sungah tua vankhamte koihin, thongkia te mi 2 tawh dailenbuk ah kimu uh a, apiak cihi. Mikhat ciangin Ks.30,000 tawh azuak ahih manin, thonginn sungah hih vankhamte alutthei cimawk hi.

Tua thongkia mi 3 te leh thonginncing palikpa vankham thukhun ombangin thu kibawlding cih kiza hi.

Thongkiasa mi 3 tebel thong khatvei kiatbeh khadingdan aive maw 🙂 ZD Sawltak #zomidaily