A tapa mopawi simding in apai papi khat Bus tuahsia in si

A tapa mopawi simding in apai papi khat Bus tuahsia in si

Malaysia’s North-South Expressway lamzikpi tungah zanni Monday (December 05) ni in Bus tuahsiatna khat piang a, Singapore ah atapa ii mopawi asimding in apai papi khat si cih Straits Times pan kiza hi. Tua asi papi pen Bus tungah atuang hi a, kum 65 phakhin Mr Peng Huafa akici khat ahihi.

North-South Expressway lamzikpi tungah Accident pianhun pen 3am hunpawl hi a, Bus sungah Passenger mi 27 atuang ahihi. Hih Bus pen Malaysia, Perak State panin Singapore gamlam zuanin atai hi a, mawtaw golpi Trailer te khat amai ah apaipen amakhelhsawmna panin Bus Driver pa in lenkipzo nawnlo in Trailer tawh kinawkkha uhhi.

Tua Trailer mawtawpi tungah singluang akipua te in Bus dengsukkha in, Bus Driver pa ii anunglian ah atuang Mr. Peng in asihlawh ahihi.

Mr Peng pen Singapore ah atapa ii mopawi simding in apai hi a, atupa khattawh atukhawm uh ahihi. Atupa leh adang Passenger numei khatzong akhe uh kitan cih kiza hi.

Firefighters te genkhiatna ah Mr Peng pen aphual ah sipah ci uhhi. Bus pen hathawllua mahmah ahih manin, Driver pa in lenkip zolo in atuahsiah kici hi.

Bus Driver leh Trailer Driver te thusitding in Muar Traffic Police te’n manphot uhhi.

More: New Zealand Prime Minister in kakhawlding ci’n genkhiavat

Apa tuahsiatna panin sihsan cih azakciang in atapa zong mopawi bawlding dinkhawlphot in, Singapore panin Perak, Malaysia ah apa ii sihvui hunbawlna hongdekphei hi. Anu unzong abeisa kum 2 hunlai in sihsankhin cihi. Atapa leh adang asanggam te 3 in Singapore ah nasem in apai uh hi a, amau unau lakah zi anei masapenpending akithawi laitak apa in asihsan citciat ahihi. ZD Sawltak #zomidaily