A Sung Nu (a Zi nu) leh Hauhna Thusim

A Sung Nu (a Zi nu) leh Hauhna Thusim

Pasal khat a innkuanun a Sungnu tawh innkhat ah teeng khawm uhhi. A teek nu vaksa vive tawh nungta uhhi. A teek nu in pasal pipi inn ah omom lelcin, bang mah sem ngei kei lecin na zi, na tate genthei mahmah ding hi cizel hi. A zi inzong na sem buangve ci ta leh a sung Nu sepsa nek ding bek ngaihsut den hi. A tawptawpna ah…

Papi pa zong a thapaai gawp in a zi kiangah kum 1,2 sung khual ka zin khia ding hi. Innkuan ki vakzawh nang khat na zong ding hi ing. Lung muan huai tak in na om inla thungetna na hat mahmah un ci-in vaikhak in khual a zin khia hi.

Kum 2 a zin sungin citaktak in na semin sum khol aa, a tawpna ah Van zuakna Store khat hong lei-in honna pawi thupi tak a bawl ding ciangin a Zi leh ta, a sung Nu teng sam hi. A innkuanpih teng zong va tung uh aa lungdam tak in Sai honna pawi zangh in nuntak nuam in hong nungta uhhi. Hauh nopleh bang teng ki sam:

~ Hang ciam mahmah na
~ Cihtak mahmah na
~ Thuman mahmah na
~ Thunget hat mahmah na
~ Sawm Ah Khat man mahmah na
~ Pasian muan ngam mahmah na
~ Thang pai mahmah na
~ Hangsan mahmah na
~ Gam mahmah na
~ Geel siam mahmah na
~ Sum zeek siam mahmah na
~ Mi hopih siam mahmah na
~ Maitai siam mahmah na
~…..cih bang ki sam hi ci hi.

Hih a tunga teng na zawhleh na Hauh mahmah ding hi cihi. Kenbel zawhloh haulua ka hih manin….hih ciang tawh aom phot ka hi aa, a ki sin ding tampi ka mu hi. Lungdam.

Thawn Tuang
Zomi Angvaan
Feb 3,2015