A piangsakpa Pasian mah lamdang sa semsem ing (1)

Leitung pianzia, i kiim i pam en le hang, na khempeuh a piangsakpa, a bawlpa PASIAN’ nasepna bekbek kilangh ka sa semsem hi.

Piancil 1:1 “A kipat cilin Pasian in vantung le leitung a piangsak hi.”

Scientist-ten a genna vuah “Universe=Awngthawlpi a om theihna dingin na nam thum pel loin kisam uh hi, ci uh a, tuate in

hun=time

awngthawl=space le

leikhalbeu=matter ah hi.

LSTho Piancil pah phot ah hih teng thum na piangsak masa ngiat hi.

Time a cih uh pen “In the beginning=A kipat cilin na hi a;

Space a cih uh pen the heavens=vantungte le

matter a cih uh leikhalbeu na om sak pah lian mawk hi.

Hih teng 3 bulh kik leng:

In the beginning (time) God created the heavens (Space) and the earth (matter). Hih na 3te loin, leitung vantung, awngthawl, ni kha aksi, mihing ganhing miksi thovai singkung lopa….huih siang huih nin cihte khat mahmah zong a om thei lo ding ahi hi.

Hih LSTho Genesis 1:1 le Science a bulh theih ma uh, A.D. 1800~ciangciang pen, Bible le Science kikeelki bang khatin seh uh a, tu lamlam teh Pasian kammal LSTho hong pom thei ta uh hi!

Kong it ka Zomi pih hih intranet mail a sim u le naute e leh!!

LSTho Pasian kammal laibu tuampian pen mah hi i ci thei tek hiam?

Science pilna a om ma pekin a nungta Kammal in Science thu na gen khin dipdep a, LST a munmun ah na zep kawikawi hi. Khah khiat ding le a sim dingte zong a hun un daih lo ding, cih tawh kong khahkhia zo nai kei a, a thu a la tawh Science thu LSTho sungah thulaigil tu ciangciang a kikaikhawm 101 bang na kem gige ing.

Hih Piancil 1:1 ii hong gen khiat, Universe a om theihna dinga thu 3 kisam:

Time
Space
Matter….thu na lungngai dih un.

Pasian’ minthanna hi ta peuh hen!

Pau Mang