India gam Zomi te ading in thunget sakna
1.Topa aw nongbawl Zomi te adingin ni hongtaang sak ta in.
2. Topa aw Zomi te adingin munkip mualkip hong pia in.
3. Topa aw Zomi te sungah kha leh taksa cidamna hongguan in.
4.Topa aw Zomi te sungah kipumkhatna hongguan den in.
5. Topa aw Zomi te lungtup te hongtang tung sak ta in.
6.Topa aw Zomi te maban zingvai honghawm pih in.
7. Topa aw India kumpi leh Manipur kumpi te lungtang sungah itna leh hehpihna hongnei sak ta in.
Zomi te sisan leh ki itna in gamgi neilo hi.
Kote hong hehpih in Topa aw.
Den teh Topa deihna khat bel om veve dingin ka um hi.
1. Noah tunga guah mal kia ten Noah te innkuan lamto veve hi.
2.Israel ten Santuipi akantan manin lungdamkoh ding kibehlap hi.
3. Esther numei no nu hangin Judah minam bup in suahtakna ngah hi.
4. Mosi suah ma in thukhun tuamtuam kibawl a ahizongin thukhun tuamtuam te kawmkal ah Mosi kumpi inn tung zaw hi.
5. A sawtlo in Lamka khuapi ah Pasian minthanna hongki lang ding hi.
Thungetsakna tawh,
Rev. Pau Khan Khai.
Southern Baptist Theological Seminary.
Louisville, Kentucky, USA.
Sept 3,2015.
2:00 AM.
Comment piaknop aomleh...