A muhnop pending Nabaan

A muhnop pending Nabaan

Sente pen kum 1500 kiimpan khualzinna kipankhin uh hi. Gamkhempeuh ah Sen khuapi (China Town) nei uh hi. Tua munpen Sen te in leitungbup a lakzawh nading thusim khat a hihi. Sen te’n Kawlgam leh South East Asia khempeuh a mau Map sungah a koihsa a hihi.

Khuakhat gamkhat a pai nakuhleh Sen minam ci in ‘minam vai’ phulphuh uh hi. Kawlgam Mandalay pen Sen mihaute kidim a hihmanin Sen Khuapi a ki ciliang hi. Kawlgam pan Sen te Gas Pipeline a nasem khempeuh Kawlte omlo a, Sente vive a hihlam na thei kha hiam?

Singapore leh Malaysia bel genvetloh, i theihsa mahbangin Sen minam te aa hilel hi. Thailand ah, Japan ah, Indonesia ah, Cambodia ah, Phillipine, India ah, Asia gam te genloh England ah, Australia leh America gamte khempeuh ah Sen khuapi om hi.

Hih Senkhuapi te pen a ommawk hilo in tua gam aading sumbawlna phualpi a hihi. Phillipine banghileh gam sunga vanzuakvanleina khempeuh hih Sen khuapi in len in.

US gamsungah a minthang China town 10 bang om hi. I zakzak New York ah, Sanfrancisco ah, Chigago ah, Boston ah, Houston ah, Los Angles, Honolulu, Philadelphia leh America Khuapi Washington DC mahmah ah China town nasiatak om hi.

Hih China townte pan Sente in thupitak in sumlut ngah uh hi. Game kimawlna, Nekledawn a tuamdiak in a bawltheihna, Sen vante nasiatak zuak theihna leh Pawi thupi bawlna hangin upmawh sang a tamzaw sumlut ngah uh hi.

Hih Great Strategy pen leitung minam dangte in neilo hi. Leitungbup ah a minthang KFC nangawn Sen te’ hangin a dingzo a hihi. US a KFC ki lei zahsangin Sen gamah ki lei zaw ahihlam na phawkkha ngei hiam?

General Motors, Microsoft, Boeing, Apple, Starbucks, Cocacola cih company lianpi te Sen gamah a bulkip a hihlam na phawkkha hiam? Nike cih laimal vankhempeuh tungah om a, a mungeilo omlo ding hi. Tuate Sen gamah bulkip nei a hihlam e?

Sen te’n US company aa a hi facebook zanglo, google zanglo uh hi. Googel a dem ding search engine nakpitak a bawllaitak uh a hihi.

Leitungbupah a haupen nihna Sente Alibaba company neipa hita hi. Jackma in ‘leitungbup a van omkhempeuh Sen te in a sawtlo in a vekin hong leizo ta ding hi ung’ ci in genkhiakhin hi.

US gamah mimal million 300 val om a, Sen gamah million 1400 bang om hi. Mikhat in dollar 1000 ta a nei hileh Sen te hauhna pen US te neihkhempeuh sangin a zah 4 in tamzaw ding cih na ngaihsun kha hiam?

Gamkhempeuh Sen te’n bulkip nei khin uhaa, leitung hong sualnuam in a kipanpan uh a hihi. Sente mai ah kam a pau ngam US bek omlai a, tua nangawn zong muanhuai hi a ki ci thei diam?

Laisiangtho lampan gen leng- Amerca pen paktatna nasia mahah a, Adam le Eve khua nangawn nei uh hi. Sen gamah Communist a hihzahkhat in tuazah dong kihhuai thanghuaina omsak lo uh hi. Pasian in koi lam a gum zaw diam? Nang muhna hong sung dih o. Siamsin Library