A manpha mahmah mihing khat nahi hi

A manpha mahmah mihing khat nahi hi

Van le naa khatpeuhpeuh pen, ideih ilei’nopa, ei’aa isuahsak nopleh, amanhzahding khattawh kituakin kilei (or) kitanh, kikheek hi.

Pasianin zong mawhnei leitung mihingtepen, misiangtho ama tate suak saknuam ahihmanin, khatbek aneihsun atapa sisan tawh imawhnate hong sawpsiangin, tua atapa mahtawh hongtanh, hongkheek’ ahi hi.

Pasianin atapa tawh imanh akikim Ama tapa tanu zaa ah hongkoih nahi ngiausan mawk hi.

Tua ahihmanin lungkham haksatna khatpeuh hangtawh lungneu lungkia a, aki sihbawl sawm pahpah ding mihing ihi hetkei hi.

Na teen’na taihinn. thatsangdawn khawng peuh, kisihbawl nadingin lemsa zaanzaan mawk kei in 🙂

A manpha mahmah mihing khat nahi hi. Ka lungdam, Munkhai’pa

NANG’ ADINGKHOM BEEKIN NUNGTA IN

Ka naupa Thangno (Cin Lian Thang) pen, 2011, February 6.ni zingsangtuungin, Yangon, Botataung Tsp, Lam 44th, Inn nambat 26. Nu Ngai Khan Mang (PuPu Thang) te’ inn ah, gitneihloh laitakin hongsia hi.

Amahpen, laitann pilnasaang asinlo, sumlepaai aneilo, etpak azong ameel ahoihlo, enen leengzong ahoihtuanlo mikhat ahih hangin, mi’it mi’ngaih mi’pahtaak’ dingin, nungta thei hi.

Mi cidamlote thu ngetsakin, lungsim zawngkhaalte thapia a, alungneu alungkia mite hanthawn hi.

Ahihtheih bangin kalsuanin, Topa leh agam adingin naseem hi.

Topa lungdamsak ahihmanin asikhin aluanghawm vaikhempeuh nangawn zong Topa’n avaihawm’sak ahi hi.

Avotmun ah aluang akikoihtheih nadingin, hausalai, siavuanlai aakipan, transport…

Innteek aseemding ka U Cing uh (Ning Hau Cing) leh a innlumm…. (Zolimtui Pi).

Akine akidawnding niangtui niangha + an le meh, akisamh bangbangh….

Innpan Hanzuat nading akisamh motor + Bus leh pakkual paklawh pakkhi etc…

Lei ah tuhkhit asihnamun, Innsian’na ah, neekledawn, letsong themcilik….

Khampat No 1. Innpan a hongpai naute2 kuanle ciahna…. Inna aom Nu’ melmuhding sum tawmkhat….

Hihte khempeuhpen amisipa Thangno in, aluang tungtaang’ ading nangawn, ama damlai hatlai agamtatzawhlai a ana thalawhkhin ahih gigelam ka phawk hi.

Khangno thahat cidamlai khempeuhin etteh ni.

Midang kuamah adingin i nungta zokei zongin, isih hun ading beekin, nun’taksawm ciatni.

Mi’ buaipih thanopding beekin gamta kampau ni.

Ka lungdam, Munkhai’pa

Video: Kashmir gampan itna ~ Thangno (Phamsa)

https://www.youtube.com/watch?v=XFuiN4cE9Pk

SIHSIAMPA, KANAU THANGNO

2011, Feb, 6.ni 6am, Ygn a hong nusia kanau Thangno pen, asihin, kum 44. pha hi.

Botataung myone lam 44th,St ah si hi.E.C.C pawlpi’n Siadinga asap kha 4. pha hi.

4 mal 5 phahi. 4×5 = 20. hi a, ko’ unau numa + nunung’ta 20. kapha uhi.

Asihnamun inn nambat(House No) 26. hi a, Zolaimal ABC… 26.na pen Z ahi hi.

Z = Zeisu kiang zuan acihna ahi hi.

ASIHSIAMNA 3 TE

1. Akibawlna dangkasan mukhat peekhat zong beisaklo hi.

2. Acinatsunga akeem akhoi sanggam ulenau kuamah buaisaklo hi.

3. Ameigongding leh atagahding kuamah nusia se lo hi.

SihsiamkatuaiThangno ahi hi. Keimah a U’ omkhak laitakin si hi.

Ka lungdam, Munkhai’pa