A (65) Kumcin “Zomi National Day” nopcitak in Kuala Lumpur ah kibawlthei

A (65) Kumcin “Zomi National Day” nopcitak in Kuala Lumpur ah kibawlthei

Leitungbup Zominam khempeuh in kumsim aa ineih Zomi Namni (Zomi National Day) Febuary 20 Zomi Namni hi cih Malaysia tung Zomi aomthei khempeuh in zong nop citak in Chinwoo Stadium ah bawl ziahziah uh hi.

Hunkempa Makaih siamzia

Mipi khempeuh agingtak in A..Akkhuang ta thawh hunta, B.. Bii leh Loo gamlak poo. C… Ci omlo saliimlo, D Dialkhai khai liimtak paai. E… Et lawm mualkuan Zogam nuam, F Febuary 20 ni Zomi Namni hi cih aw neihzah in mipi awngsak ziahziah hi.

ZAM President pa Makaihna tawh gamdaih na One Minute

Zomi leh Zogam ading hongkipia khia anuntakna bei lawh Zomi salpha te zah tak piakna ZAM President Pu Nang Khan Pau in mipi khempeuh hong makaih in gamdaitak in lukun dimdiam in mi tultul asim dai khipkhep in zahtak bangtak in kibawl ahihi.

Zomi ading Va-ak Kaangta

Singapore pan hong pai Dr Hau Za Cin ( Phuitong Liim) in thugen na tom hong nei a, Zomite in Mipil Misiam ahiding in Pasian in munsang na ah hong teengsak hi. Hongpiang sak hi. Zomi te in namdang te ato etet ding hilo in Asuk lam aa, aen ding in Zogam Mual dawn Zosiktui siang phulna mun pan hong kipankhia sak hi.

Nidang in Zomite khantoh nading pen paunak leh thukigen tuamtuam aom ciang in Va-ak akaan hun te khang to ding khuamu ding cih thu kingeingei ahihi. Hih thu tawh kipawlpi gul hik cilgehzah dong in liimcitak in mipi hanthohna thuhilh na nei hi.

Tua khit ciang in tuni A 65 kumcin Zomi National Day hun pan ipan in Zomite ading Va-ak hong kangta hi. Kantohna lam ah kipumkhat na lam ah sep khiatna lam ah Pasian in hong koih ni ahihi hanthohna mipi teng ah neithei a, mipi te tha kingah mahmah hi.

Leitung ah amasa pen Hunthakzui Tangh Ciing Puanpi ZCD President kipia

Zomi namsungah minam puan in i neih te sung pan amin thangpenpen Tangh Cing Puan pi pen abeisa hun in puankhui theilo bang in adalpi kipia thei ahihi . Tutung in Leitungbupa minam tuamtuam te genloh Zomi sungah zong amasa pen Tangh Ciing puanpi piak khiatna hunpi khat bawl uhhi.

Tua hun pi ah Dr Cin Sian Pau in Tangh Ciing tangthu ahuampi ahong genkhit ciang in Zomi atultampi mipi maiah ZCD President Pu Chin Sian Thang pahtawina pia uhhi. Tua Puanpi in Zomi sungah nidang in galhang sahang gualtungtuang te in ngahbek ahihi. Ahi zong in tuhun ciang in Leitung minam tuamtuamte leh Zomi leh Zogam ading in anuntakna ahunbei tampi kipia te amadawk mipil misiam miminthang pahtawina in kizang ahihi. Tua ahih man in tutung in ZCD Pu Chin Sian Thang in amasa pen Tangh Ciing puan kikhui tawh Zomi bup in pahtawi na piakna kipaak huai tak in nei thei ahihi.

UNHCR-CDU pan ulian khat

UNHCR -CDU pan in Miss Joanne hong kihel thei in Zomite thupina leh cihtakna thumaan te hongpahtawina thu limcinono tomkimcing tawh hanthohna nei thei hi.

Zongeina Lam tuamtuam kilak ziahziah

Zongeina lam tuamtuam leh lasakna tuamtuam ahi Tonlam, Phitlam , Namkan lam leh Lumsuih lam te ban ah Lamvui Rawang pan in Zomi honpi khat in etlawmtak in hong lakziahziah uh hi. Tuabanah Tonzang Lawm leh ZEC sangnaupang te tungpan in zong amuh nop huai nono Zo ngeina lam te honglak hi.

Atuam diak in Dr Cin Sian Pau in ama bawl Zomite tumging puahna te mi7 tumding ama mah in hong tum in khuangtum Zam tum, Sialki tum ding leh daak tum ding kituamsapsap kul sak nawn selo Zomi nam ni muakna hong lak ziahziah hi.

ZSM pan Pu Kap Lian Thang lungkoh thugenna nei

Malaysia gam Zomi genvai kipawlna ZSM ah thuzeek pi pu Kal Lian Thang in Zomi Nam ni bawlna tawh kipawl Zomi khuakipawlna, Pawlpi kipawlna leh Aituam neih aa, sumtangtawh mapang te khempeuh tungah lungdam koh na abanban in hong nei thei hi.

Tuuk Peeng kiden napan Pahtawina tuamtuam

Tukum 65 kumcin Zomi Namni (Zomi National Day) ading in abeisa hunkhatlai pan kipan tuukpeeng Bawllung kidemna ah gualzawh minphatna angah te abanaban in pahtawi Zomipi te maiu ah ki pia ziahziah hi.

Pasal te bek hilo in Numeitezong kimawlna ah hongkihel uh ahih man in Numei te zong pahtawina kipiak ziahziah hi.

Zominamni ading in kaametna zong angah te abanban in laptop Computer, Phone cihte kipiak khiatna nei ziahziah uh ahihi.

Hunpi 2 na lamah

Hunpi nihna lam ah Lengtong Kamkhen in hong makaih in thudotna te dawn natuamtuam neizelzel in mipi te nuizeizei sak in kipaak huai mahmah hi.

Zomgam Labupi te Lapu pite ahi Lengtong, Pauno, TS Khai te hong kihel thei ban ah khangthak zaisiam hong khatmah in Zogam leh minam itna late hong sa ziahziah uh hi.

Zo anlim nono

Zominamni hongpai khempeuh Zo an huan ah alim penpen Buh sih leh Voksa ngawi duhzahzah leh adang Zo an namtuamtuam zong kingah kizuak ziah ziah aa, apai mipeuh mah in Zo an liim nono kine kha ziahziah hi.

Zomi Nam vantuamtuam

Zomi nam vantuamtuam ahi khi Bilbah leh Zopuan namtuamtuam te zong deih bangbang kizuak kilei thei ziahziah ahihi.

Mundang te leh Hundang abanglo in akibawl hi

Tutung Zomi Nam ni Kuala Lumpur ah Zomi te in Zomi National Day liimcitak in abawl na ah Zukham kitawng kilai cih te om se lo in hun liimci tak in zo thei uh hi. Khamtheih nguihtheih zang cite zong kimu selo hi. Tua aban ah Zomi cih pen Ciampel ngeilo thudiktak tawh vaiding ahih mahbang in Makai te vaihawmna mahbang in Febuary 20 ni lian tektek in Zomi Namni bawl thei uh ahihi. Zomi Namni Febuary 20 abawl te leh hong paite amuak te khempeuh mapai mazang khangto den ta hi. Lungdam!

Hau Thang