21st century Panglong khit ah Zomi Zuapa thumuhna kilang tetek ~ Bob Tuang

21st century Panglong khit ah Zomi Zuapa thumuhna kilang tetek ~ Bob Tuang

Nung 21st Century Panglong khawmpi ah minam kiciaptehna angen leh gam angen Lisu; Pa-O; Shanni; Palaung te’hangin mualtung gam tuamtuam ah ei le ei kimuanlohna; kitelkhialhna khaicii ong kivawh hita hi.

Tun Kachin gam ah unau leh unau kitelkhialhna hong tung hita aa; asawtlo in Shan state pan State angen Wa; Palaung; Pa-O te hangin Shan minamte so vingvingta ahih manin lungphona nei dingin kipan litlit ta uh hi.

Hihte pen Kawlte’thaangah a awk uh hita ahih manin dahhuai mahmah hi. Inn ak leh inn ak ong sutuah uh aa igim itawl mahmah tak teh igawl ong mek dingin Kawlte ki ho sim khiankhian ta ding uh hi. Kawlte’kiangah nget teh ngah pan ding cih sila lungsim ipaih khiat mateng kisuaktalo ding hi.

ZOMI taangmi aa thusung Pu Chin Sian Thang in bangmah kimanna omnailo unau beelkaang kituhna; gamhluahza kituhna; innsungvaite innsungah vaihawm ding cih ngongtatlohna (non-violance) tawh lungsim tangzaitakin Kawlte’thangsiahna pilvang takin ong pelh theih pen hai asa aa; aciakciak te pen khasiat huai mahmah hi.

Kawlte’ gamthu thangsiahna (political trick) le aana kimawlna(power game/power politics) na mukhol thei Pu Chin Sian Thang dam sawt ta peuh hen! By: Bob Tuangpi