21 century Panglong ah federal tatak ilamen zo diam

Dear lai sim u leh nau teng,
Happy July 4 ci in khut ong len ing.

Ka inn pan in US Independence Day firework en kawm in, “21 century Panglong ah federal tatak ilamen zo diam” ci in ka ngaih sut teh Zomi te’n thawtawi kipawlna khat Kawlgam ah i neih zawh kei leh Kawlkumpi in ong awlmawh zo mawk diam ci in ka lung ngai hi. A hang in:-

1. US in July 4, 1776 ni in gamke 13 te in (13 American colonies), Mangkang kumpi (British Empire) khutnuia ah omnawn lo in a suakta gam hi ung acih ten, apian na apu uh Mangkang kumpi te tawh kum nga sung gal ki do uh aa, 1783 kum in Treaet of Paris bawl in suah tak na ngah pan uh hi.

2. Israel te May 12, 1948 ni gam khat in a din phet in a veng Arab te tawh gal ki sim pah uh aa, UN in11 May 1949 ciam teh na a paik hang in tuni dong Arab te tawh gal ki do den uh hi.

3. Daw ASSK in U Thei Sein tawh kilemna thukimna abawl thawtawi 8 te tawh ki muh na June 2016 nei hi. “21 century Panglong pen 1947 Panglong ki bulphuh thei lo ding cih gen hi.

4. U Thei Sein kumpi tawh kilemna a bawl nai lo thautawi teng leh United Wa State Army (UWSA), Nationalities Democratic Alliance Army (NDAA), te Kawlkumpi in sam uh hi. KIA te tawh Daw ASSK ki muh na nei ding cih zong gelna om hi.

5. 21 century Panglong ah ki hel ding in, Kawlkumpi tawh kikap na aom ngei nailo Naga thautawi te ki tuamsap hi.

6. Kawl gam in constitution 3 (1947, 1974, 2008) nei in dial (flag) 3 mah nei in. Daw ASSK leh NLD party in Kawlgam kilem na ding leh 21 century Panglong thu a gen hang in 2008 constitution aphuahphat zawh kei leh, democracy diktak tawh ki kalsuan lo ding ahih man in 21 century Panglong aom hang in federal democracy kiukna omlo ding hi.

7. Zomi leh Zogam ong hu ding leh Mualmi dang te bang in party leh thautawi ki pawlna i neih ding akisap thu phawk ciat ni.

Zomi te lungkituak hanlung ciam khangto diam. God bless Zomi and Zogam.

Topa thupha.

King Mang
July 4, 2016
Portland, OR