Tukum 2017 November 26 ni-a Topa tunga lungdamkoh dingte

Tukum 2017 November 26 ni-a Topa tunga lungdamkoh dingte

1. Zomite lungsim kikhat a 2005 – 2017 dong kum 13 sung Ama tunga lungdam hong kosak Topa tungah lungdamko masa ni.

2. Topa in I thungetnate hong dawngin Lamka Zomite laka thubuai hoihtak-a a venna hangin lungdamko ni.

3. Zomite gamdang i pai (Piancit pai) 1917 – 2017 kum 100 cinna hangin lungdamko ni.

4. Hun khat lai-a Kawlgam taangpi deihna (Democracy) tawh a ki-uk bangin tu-in taangpi deihna tawh i ki-uk kik theih manin lungdamko ni

5. Kawlgam tangin UNO ah Zomite Pu Hau Do Suan le Pu Hau Khan Sum a kah dingin Pasian in hong lapsangsak manin lungdamko ni.

6. Zomi party ZCD panin Zogam ah Zomi Pu Pau Lun Min Thang vuanzi in Topa in hong kahsak manin lungdamko ni.

7. Lamka Zomite (EBC) in Pasian nasem dingin mundangah Missionary a khah uh kum 50 cinna pawi a bawl theih manun Topa tungah lungdamko ni.

8. Leitungbup Tuiphum kipawlna Baptist World Alliance (BWA) ah Zomi Baptist Churches of America (ZBCA) lut thei a taangmi khat i kah theih manin lungdamko ni.

9. Tukum ZCLS kumthum cinsim khawmpi, Tonzang Rev.Vial Nang memorial church ah taangmite in Zomi khempeuh in Pasian biakna labu khat a kibang neih dingin thukimna a neih manun tua dinga hong deihsak Topa tungah lungdamko ni.

Hih-te banah ei pawlpi kimtek le mimal lungdamkoh dingte na hel tek un.

Thunget dingte:

1. Zomi bup lungdamkoh ni-a Topa tunga lungdam khawm thei nai lo mun tuamtuam a om pawlpi tuamte in Zomite tawh lungdamkoh ni hong zat theih nadingun Topa tungah ngen ni

2. Mun tuamtuam a huihpi guahpi hanga gim thuakte adingin thu ngetsak ni.

3. Gam tuamtuam a Christian biakna hanga thahna le bawlsiatna thuakte adingin thu ngetsak ni.

4. Tua banga thahna thuakte sisan hangin amaute that a a bawlsiate tungah thupha a suah nadingin thu ngetsak ni.

Thumna
Tu kum Zomibup lungdamkoh ni November 26 ni-a lungdamkohna-a i ngah sum le vante Zomi bup huama kivaihawm Zomite Biakna Labu bawl nadingin ZCLS zum ah (Rev. Cin Do Piang (Ph:+959259254881, e-mail: cdpiang[at]gmail.com) puak ciat ni.

More: Zomi Bup Lungdamkoh Ni (Zomi Thanksgiving Day)

ZCLS in zong Labu bawlna mah a a zat nadingin Topa in na makaih ta hen.

Kipawlna tuamtuamte in no pawlpi ciat ah I Zo minam itna tawh hanthawn a Labu a zang ding khempeuh in piakkhiatna ah i kihel kim nadingin nan a hanthawn ciat dingun kong thum sawn uh hi.

Note tawh lungdamko khawm,

Chairman- Rev.Dr. Dam Suan Mung
Co-ordinator – Dr. H.Gin En Cin
Zomi Christian Alliance (ZCA)