17.10.2014 Tuni leitung thuthang te

17.10.2014 Tuni leitung thuthang te

Kawlgam kumpi U Thein Sein in Europe gam 30 leh Asia gam 19 te thu kikupna ding ah Oct.15 ni in Italy gam Milan khuapi ah thu kikum na ah kihel ding in pai hi.Hih khawmpi pen Oct.13 ni in akipan ding hi in,ahih hang in U Thei Sein in Oct. 16 leh 17 ni te bek ah kah ding hi.Hih pen ama ading in Europe gam ah akhatvei na ahihi.Hih ASEM pen 1998 kum in Bangkok ah aki phun masa hi in, tua kum in Kawlgam kihel ding phal lo uhhi.ahih hang in 2006 in Finland gam khawmpi ah Asean gam 10 te in, Kawlgam akihel kei ading leh koh zong kah lo ding ci ahih man in,tua kum in Kawlgam pen Vuangyi(minister) din mun in kah hi.Hih khawmpi ah gamvai, sum lei sum zuak vai leh nasem silbawl khawm dan ding teng kikum ding cihi.Tua bang ah U Thein Sein in atuam vilvel in Kawlgam khang toh na ding ,huhna ding, te ki kum thei ding cihi.Hih kikup na akibawl nunung ppen 2012 in Loas gam ah kibawl a, hih lai ah U Thein Sein akah masa na ahihi.

Thai gam PM Prayut chan-o-cha zong ASEM khawmpi ah meeting kah ding in Milan khuapi tung khin zong hi.Ama kah thei ding tawh kisai in Europe gam te in nung kha in meeting kah thei na ding vai hawm sak uh in,amah pen galkap kumpi ahih man in ngaihsut haksa sa uhhi.Hih meeting ah U Thei Sein leh Prayut zon gkimu thei ding cihi.Tua lai ah Ko Tao tuilulh a, Britain mi kithat na tawh kisai a thu te kikum ding in lam en uhhi.Mr.Prayut pen Thai tuipi gal a siamsin te a hi Italy gam Milan a om sang naupang te in galkap te in Thai gam ah thahat thu tawh thu neihna alak uh pen lungpho na nei ding ci uh hi. London ah tuni in Britain minih Ko Tao tuikulh a kithatna hang in lungpho na nei ding uhhi.

Kobane ah Kurd te leh IS te nasia tak in kikap uhhi Wednesday leh thursday ni kikapna ah, Kurdish te in mai nawt mahmah uh a, IS te ngah sa mun pawl khat lakik thei ta uhhi.Hih thu tawh kisai n Kurdish maikai ahiFarhad Shami ii gen na ah asi ding in kigin khawl in kap uhhi cihi.tua bang ah khuapi sung lampi te tel mahmah uh a, PPk galkap sa ahi man uh cihi.Hih ban ga mai nawt na ding in US leh akipawl pih te in van lam tawh daak 48 sung 40 vei kap in huh uh hi.Hih van lam tawh kapna hang in IS te tampi tak si ding in lam en uhhi.Kha khat sung kikap na ding ah mi 550 si ta ding cihi.

Tuesday ni in Paris ah John Kerry leh Russia Forgein Miniset Sergei Lavrov ki mu khawm thei uh hi.Hih bang a akimuh khop theina uh hang pen IS te gamtat na lunghi mawh na hang cihi.John Kerry in Sergei kiang ah IS te tawh kisai in US leh Russia te in thusinkan te kihawm sawm ding in ngen in ki thu uh hi cihi.Hih bang thu hang in US leh Russia te kum 10 sung kihopih lo kilangdo in om pen IS te hang in kizopna ah kipsah zaw hi cihi.Ahih hang in Russia te in US te tawh IS te vai thusinkan te kihawn sawm in nasep khawm ding pen nial uhhi.Hih bang a anial na hang uh pen UN SC thukim na omlo a IS te simna pen gam thukhun palsat ahih man cihi.

US ah Ebola natna neih thak khat ki muleuleu hi cihi.Hih in gam mi te tung ah anih veina natna ki muhna ahihi.Hih natna pen Texas Dallas zato inn a,Liberia mi Ebola natna nei akhoi na pan a,akilawh hi cihi.Hih thu hang in Dr.pa inn kuan pih te zong cidam na sitpah uhhi.Nung in Nina Phem kum 26 in zong Ducan abawl na pan hih natna ngah khin zo hi.Ducan ahih leh si khinta hi.Hih natna hang in Ebola mi 4,500 sikhin ta hi.

Napel gam gam Wednesday ni in Annupurna mual ah vuk nak kiat na hang in khuazin mi 100 vuk in vupcip cihi.Hih thu hang in tulai tak in leitung in lung hi mawh mahmah hi cihi.Hih vuk vupcipna na hang in Israel mite 3 si in, adang te zong hon khiat na nasem te in a zongzong laitak uhhi.Hih Annupurna mual pen leitung ah mual asangpen 10 na hi in, Himalaya mual kim ah a etlawm pen leh mi pai nopna mun hi cihi.

HongKong kumpi in lungpho na nei te tawh thuki kupna nei ding in aki ging sa in om un ci in,C.Y Leung in gen khia hi.Kumpi inn te ah lungpho na nei te leh Palik te ki mai tuak in kitang lai khin uh ciang in hih thu agen khia uh ahihhi.Hih bang a Palik te in lungpho na nei te hih gawpna hang in thu bawl uh a,tua thu hang in khutkhial Palik mi sagih te aza pan in kikhawl sak hi cihi.Palik te in zasan tui (pepper) te zang hi. Ref: bbc, voa, afp, hro,j online. Cin Ngaih