Dahpihna: Cin Lian Muang

Dahpihna: Cin Lian Muang

Date: August 11,2015
USA gam sung Texas gamke Dumas khua-a teng Pa Khan Lian Khup (Naulak beh) leh Nu Niang Hau Lun (Hatzaw)te sung pan a piang Cin Lian Muang in August kha 08,2015 ( Tuesday) ni Pneumonia natna tawh Dallas, TX zato pan in hong nusiatna hangin Zomi Innkuan USA in dahpihna kong pulak uhhi. Cin Lian Muang pen August kha 31,2015 ni in suak a, leitungah nipi kalkhat tang bek mah hong nuntak pih a hihi.

Pneumonia natna hangin Dumas, TX a zato pan siavuan te’n a damna ding deihsakna tawh zato lianzaw Dallas, TX khuapi zato a naihsak uh a hih hangin Pasian in a ma gelna omsa bangin a nuntakna hong lak kik sak a hihi.

Cin Lian Muang i luanghawm pen Dallas,TX a om zato te’n a nu le pa tenna Dumas, TX ah August 10,2015 ( Thursday) ni in puak kik uhhi. Hantanna tawh kisai in August 12,2015
(Saturday) zingsang lam 11:00am in a kivuina ding hanmual ah hun bawlna kinei ding hi.
I it mahmah tano in leitungah nuntakna hun tomno sungbek hong nuntak pih in a hong bawlpa Pasian kiangah hong paisan na hangin leitung ci le sa tawh a om lai, a pianna nu leh pa, sanggam, u leh nau, innsung dongta khempeuh tawh a kibangin Zomi Innkuan USA in kidah pih mahmah hi.

Heh nem siampa Khasiangtho in a nungta lai, a dah a kap khempeuh tungah nakpi takin hehnepna hong pia ta hen!!

Executive Committee
Zomi Innkuan USA
U.S.A