ZYA nasep pulakna pawlkhat (04 April)

ZYA nasep pulakna pawlkhat (04 April)

Tuni April 4, 2018 ZYA Zumpan Sisan Thawl 3 kipia.

1. Singen- Pa Gin Lian Thang (Munlai BC)
– Sipia- Nu Vung Sian Nuam (Pangpi SDA)

2. Singen – Pa Suan Lian Mung (Berean EBC)
– Sipia- Pa Kam Suan Mung (KBC)

3. Singen – Pa Suan Lian Mung (Berean EBC)
– Sipia – Hein Thant Zaw (Buddhist)

ZYA Myanmar HQ
April 4, 2018

Tusungteng ZYA Myanmar HQ Zumpi pan Sisan piakna pawlkhat

• – Cina, Pa Thang Go Lian (Zoland BC) Gilpina. Sipia, Ko Kyaw Thu Rah
• – Cina, Pa Zam Za Kim(Sawbua EBC) pumzaw natna. Sipia, Pa Thang Sian Piang (AMC)
• – Cina, Pa Gin Sawm Kap(Sawbua EBC) kawngna. Sipia, Pa Cin Sian Khai (Pangpi SDA)
• – Cina, Pa Gin Lal Min Thang(Galilee AG) sinna. Sipia, Tg Lian Khua Cin (AMC)
• – Cina, Nu Vung Lian Cing(Tahan BC) gawlbawk. Sipia, Pa En Khan Go(EmBC)

ZYA zuminn le Hall piakkhiat ciaptehna

ZYA Myanmar HQ Zuminn le Hall ading piakkhiatna mimal le kipawlna gawm 474 phata hi. Tuni in mimal 400 ciang piakkhiatna minte amang ngei nawnlo ding in steel pekpi Yangon pan kivai khak pen hong tungta hi. Pekpi khat kisam lai in min 500 cingsak vet ding in kikoih lai hi. Engineering hong sepsak Lucas Tuang tung ah Ks 6,000,000/- kileiba lai ahih manin Zomi akua mahpeuh in pang huan tek lai ni ci in kizawn phapha nuam lai hihang. ZYA Myanmar HQ April 2, 2018

Zogam Gospel Team te’n ZYA pahtawina pia

Zogam Gospel Teamte in ZYA i gamleminam ading nahoih, phattuamna tampitak sem cih tawh Pahtawina Laipi piakna March 31, 2018 (Saturday) ni in Galilee Hall, Kalaymyo ah hong nei uh hi. Hih bangin gamleminam ading nasemte le kipawlna tuamtuamte khatlekhat kipahtawi ding hong phawksak le hong vaihawm khia Zogam Gospel Teamte Topa’n hong zang zaw semsem laita hen. Amen. ZYA Myanmar HQ (April 2, 2018)

Pa Thang Muan Khai (Khamkhua-Tualmu) Kum 48

April 1, 2018 (Sunday) ni in Pangpi SDA pawlpi mi ahi Pa Thang Muan Khai (Khamkhua-Tualmu) Kum 48 in Sikhum nasia lua in zun pai theilo ahih manin Mandalay zatopi puak kulding ahih tawh kizui in ZYA Motor tawh paisuk uh hi. Cidam in hong tungkik nading in Thungetna tawh phawkni. ZYA Ambulance Motor neih zawh nading zong lunggulh mahmah hi hang. Tutung a bang oxygen bung tawh lamtawntung nak kulding ahih tawh kizui ZYA Motor neih pen hong lem thei phalo in lungnuam mello hi. Mailam ah Ambulance Motor taktakte neihzawh nading akua mapeuh in Thungetna ah phawk ciatni. ZYA Myanmar HQ

Thugen / kampau na ah I kidop ding

1. Mizote in “Lusei-te” cih deihlo
2. Zomite in “Paite-te” cih deihlo
3. Zo kampaute in “i-aw te” cih deihlo
4. Teizang kampaute in “ai-ti-ee te” cih deihlo
5. Thahdo kampaute in “i pi ham te” cih deihlo

Tua ban ah,

• – Beh min peuhtawh ki ko/ kizahpih loh ding.
• – Khua min peuhtawh ki ko/ kizahpih loh ding.
• – Kampau/ awkaih peuhtawh ki ko/ kizahpih loh ding.
• – Pawlpi/ Biakna peuhtawh ki ko/ kizahpih loh ding.

Theih pakteng hi hong behlap lai un thugen/kampau na ah kidoptheih nading lunggulhna tawh.