Zukhamsa in mawtawhawl khatin mi taihkha in taisanziau, ataihkhak pen azi leh atapa nahi sawnsawn

Zukhamsa in mawtawhawl khatin mi taihkha in taisanziau, ataihkhak pen azi leh atapa nahi sawnsawn

Zukhamsa in mawtaw ahawl pasal khatin mi taihkha in, bangmah thudonlo in ataisan tepen midang nahihetlo a, azi leh atapa nahimawk cih SCMP pan kiza hi. China gamsung ah thupiang hi a, papi khatin zukhamsa in Minibus ahawl laitak in Electric Bicycle khat ataihkha ahihi.

Tua Electric Bicycle tungah atuangkhawm tepen azi leh atapa hi a, ahi zongin zukhampa in azi leh atapa ahihlam theilo cihi.

China, Shandong Province sungah abeisa March 22 ni in thupiang hi a, Police te genkhiatna ah atapa pen sipah in, azi ahihleh aguh ataang kitangawp in zato kipuak cihi.

Thepaper.cn te pulakkhiatna ah hihte innkuan pen apualam ah nitak an nekhawm uh cihi. Tua Dinner anek laitak un apa un zu tampi dawndawn ahih manin khammahmah cihi.

Ansai panin aciahkhiat uhciangin papipa in Minibus khat amahguak in hawl in ciahkhia hi. Azi leh atapa pen Electric Bicycle khat tungah tuangkhawm in ciah uhhi. Atapa pen kum 7 khawngbek aphapan ahihi.

Lamkal ah papipa in azi leh atapa taihkha in, ahi zongin azi ata ahihlam theiloliang ahih manin taisuaksan hi. Azi ata tepen lampitung ah tuabangin omcip a, zanlam 11pm hunpawl ciangin khuasungvak anawkkha te’n amuh uhciangin Police leh Ambulance sapsak uhhi.

Police te’n khuasung CCTV teng hoihtak in a etcian ciangin anawkkha Minibus ahihlam theikhia uh a, Register akibawlna akancian uhciangin midang nahilo uh a, innkuankhat akitaihkha nahimawk uhhi.

More: Singapore innsangtung pan Bicycle akhiasuk pasalno kum 13 khat kiman

Apasal inzong azi zatolum in, atapa zong si cih akhuanung zakciangin zato ah vadelh a, ahi zongin Police te’n na mansuakpah uhhi. Tua papipa in Minibus ahawllaitak ataihkhak ahihlam genkhia a, ataihkhak tepen kua cih theilo ahih manin ka taisansuak khamah hi ci’n genkhia hi. Sawltak #zomidaily