Zosiam kum 10 cin lungdam kohna pawipi Topa tungah kibawlding

Zosiam kum 10 cin lungdam kohna pawipi Topa tungah kibawlding

Kum 10 sung Zogam leh Zomi te tungah itna tawh kha leh taksa damna dingin thupha bawlzawh kum 10 cin Lungdamkohna Topa tungah anuai a hungeelna ombangin thupi takin kinei dinga, Zomi makai biakna leh minam gam makai honpi khat kisam ding hi.

• Ani: Dec 9,2018 ( Sunday)
• Service : 2:30 PM
• Ankuang lui hun: 4:30 PM.

Nitak Tin Jubilee Service leh Zosiam te khahkhiatna hunpi pen 7:00 PM in kibawl ding hi.

Amun: Bethel Biakinnpi- Kalaymyo.

Thulu: Zomi te adingin Pasian .

• Zomi te adingin Zomi.
• Nang tektek hongdeih hi.

Topa aw Nang’ ading leh ka Zomi mipih te adingin ka tha kangal kasum kapai uh leh kapil kasiamna te uh nongzat sak theih manin lungdam mahmah ung, mailam ah kumtampi hongzang sak lai ta in.
Thu zasak, Zosiam Gospel Team (Augt 17,2018)

NASEPNA SATE: Abeisa kum 10 sungin Zosiam mintawh Zogam ah Center 18 ah kinei khin ta a, tutunga paina ding khuanih tawh Center 20 ah Damna thupha apuakding ihihi.

• 2008- Vision leh Mission kipan:
• 2009- Tuimang leh Haiciiin Center.
• 2010 – Thalmual leh Tauleng Center.
• 2011- Thuklai leh Limkhai Center.
• 2012- Laitui leh Ciau Center.
• 2013- Vangteh leh Phaitu Center.
• 2014- Suangzang leh Heilei Center.
• 2015-Suangsang leh Tuipi Center .
• 2016- Dimlo leh Khumnuai Center.
• 2017-Valvum leh Haupi Center.
• 2018- Lamzang leh Tuilang Center hiding hi.

ZOSIAM NASEPNA GAHTE:

• 1- Khuasungah Kha leh taksa damna om hi.
• 2- Kipumkhatna om hi.
• 3- Naupang ten tupna lian vision thak nei hi.
• 4- Siavuan ten khuaneu khuata te pha uh hi.
• 5- Kamphen kullo in lupna tungah damna kipuak hi.
• 6- Pilna thu leh damna thu kigen den hi.
• 7- Pasian thu leh Minam thu ah kipumkhatna om hi.

ZOSIAM ADINGIN VISION NEI MASA TE:

• 1- Rev. Pau Khan Khai.
• 2- Pu Pau Lun Min Thang – Minister – Social Affairs , Chin State.
• 3- Pu Kam Suan Mung – President,ZYA.

ZOSIAM NASEPNA PEN KIPUMPIAK NASEP HI:

Zosiam nasep tudong alawhcinna ahang pen ngahding lametna tawh kuamahin nasem lo in, Pasian leh impihte adingin thaleh ngal , sumlehpaai, pilna siamna kipumpiakna ahih manin tuni dong lawhcinna akimu den ahihi.