Zomi Youth Forum: “Ka lunggulh Ka Mailam v.2.0”

Zomi Youth Forum: “Ka lunggulh Ka Mailam v.2.0”

• Ngeina & Minam vai ~ Rev. Dr. Go Cin Zam
• Sum sazian lam ~ Niang Khaw Cing
• Sum lei sum zuakna lam ~ Niang Hau Man
• Self-determination & Zomi ~ Pau Kim Tuang
• Khangthak le kum zalom 21 kantanna ~ Lian Khan Tuang
• Lungsim cidamna lam sang ah Social Media hangin a-nungzuih thei Thute ~ Dr. Thang Sian Sing

Ani : 26 November 2018 (Monday)
Ahun : 9:30am to 3:30pm
Amun : AMC Biakinn (Kalay myo)

Contact: Sia Dal Tawng (09 258360465), Sia Khai pi (09 400 473078)

Avaihawm GZA, ZYA

*Hih Forum ah a kihel khangno te in amau ukna, siamna, CV form & Cover Letter gelh dan cihte a thakin theitel ding uh hi.

* Zomi khangno kum 30 le anuai siah te ading in kibawl ahi hi.

A 2 veina Zomi Youth Forum (Kawlpi)

GZA Research and Promotion Department le ZYA-Myanmar te mapangkhopna tawh, hong tung ding A 4 veina GZA Khawmpi hunpha tawh kituak in “A 2 veina ZOMI YOUTH FORUM” kibawl ding hi.

Zogam khuapi pawl khat ahi, Cikha, Hlaithayar-Khaikam, Kansau, Saizang leh Vangteh ah November nipi 4na sung in akhua akhua ah kibawl masa ding a, a nunung pen November 26, 2018 ni in Kawlpi, AMC Biakinn ah kibawl ding hi.

Hih Forum sung ah Zomi khangno (Kum 30) nuaite in amau mimal ukna, siiamna, a sepzawhna te uh a thak in hong mukhia in amailam kalsuanna uh ah thathak, lampi thak angah theih nading bulphuh in kibawl ding hi.
Zomite “Mimal” khantohna pan “MINAM” khantohna lam ah khangthak te in thutampi hon geelzawh nading in kibawl ahi hi.

Hih GZA Youth Forum ah a thukicing zaw in a thei nuam te in anuai a makai te kiang ah kithuza thei hi.

Sia Dal Tawng,
General Secretary, ZYA-Myanmar, Phone: 09 258 360 465

Tg Peter Kap
Research and Promotion Department, GZA , Phone: 09 450061315

A 4 Veina GZA KHAWMPI, Kalaymyo sapna

A zahtak huai Zomi Pasian nasemte le Zomi kipawlna makaite,

Amasa in i Biak Pasian min tawh kong hopih uh hi.
Hong tung ding November 26-29, 2018 sung in Kawlpi ah GZA Makaihna tawh KILEMNA, KIPUMKHATNA, KILEMKIKNA cih thute bulphuh in, Zomi Pasian nasemte le Zomi makaite khawmpi om ding hi.

GZA ii Lungtup ahi Zomi te Kipumkhat in Abukim Khantoh nading cih thutawh kituak in, hih khawmpi ah, Zomi te kithutuak in khat le khat ki it in, khantohna i neihna ding thute kikum ding ihih man in, Zomi Pasian nasemte ihi zongin, Zomi makaite ihizong in kimtakin I paina ding in Khazih min tawh kong zawn uh hi.

Tua bek tham lo in, hong pai thei lo Zomi akuama peuh in, na om na mun pan in, hih khawmpi lawhcing in, mailam ah Zomite le Zogam Pasian in thupha hong piakna ding nakpitak in thungetna tawh hong phawk un ci in kong cial nuam uh hi.

Topa in Zogam le Zomi te thupha hong piak sak ta hen.

Rev. Dr. Do Suan Mung
General Secretary
Global Zomi Alliance

*Registration bawlna ding : Sia Dal Tawng, ZYA-Myanmar, Phone: 09 258 360 465