Zomi World Cup USA 2015 Florida

Zomi World Cup USA 2015 Florida

Hih a tung a thulu tawh kisai Pa Tual, Tulsa dotna te dawn kikna. Pawl lutman ( entry fee ) pen lai kong suah masak na ah kicing in kong gelh a, ahi zongh in PaTual in na mu kha nai lo na hihman, a masa kong forward a hiah zongh konggelh kik hi.

Team khat lutman US $ 650 . 00

Ngah kikding te :
Khatna US $ 3500.00
Nihna US $ 2000.00
Thumna US $ 1000.00
Li na US $ 500.00
Quarter finalist te US $ 300.00 ta team khat ah.
Kungpang siampen US $ 100.00
Kungmai siampen US $ 100.00
Lai zang siampen US $ 100.00
Maikah siampen US $ 100.00
Goal tam thunpen US $ 100.00
Kua te ki helthei ding

Zomi kipawlna min khat peuhpeuh tawh ki ngah hi. Genteh na in,
Zomi Innkuan min
UZO min

ZCF cih leh Zomi min a ki pawlna a dang khat peuhpeuh ki saangding . A zenzen in tenna khua ah Zomi ki pawlna omnai lo te mi mal hancian na tawh ki saangding, tenna khua ah Zomi ki pawlna om in ki pawlna in vaai a hawm leh tuamun te mi mal hancianna ki saanglo ding. Tenna khua ah kipawlna om in kipawlna in a vaai hawm kei leh mi malhanciamna ki saangding. Ki mawlding te , 100% or 50% Zomi te kisaang ding. 100% cihciang in a nu leh a pa Zomi cihna, 50% cihciangh a nu Zomi a pa namdang a hih kei leh a nu namdang a pa Zomi cihna, pasal khat in Zomi zii a neih hang kisaang lo ding % etna pen a nu leh a pa pan ki en a hihman.

A hunsung ( duration of tournament ) ni nihsung hi ding. November 26 & 27, 2015 cihna hi.

Neekleh dawnding Inn teek in hih zawh zah tawh vaakding, gentehna in ki mawlding ten tha omnang ci in aaktui aaktak a limzawdeuh a khuahpai zaw deuh vaai hawmnuam ten a mau leh a mau vaai hawmding Zomi Pu, Pa zindo ngeina ciangpen Inn teek in mawhpua ding.

Tunnagiahna Inn teek deihna ah mi 10 vaalbang Innkhat ah zin I tunteh zunbuuk tuibuuk ki ngaakngaak kul a hihman, Motel & Inn’s te ah mi khualte tung leh nuamzaw ding lemzaw ding in ngahihsutna ki nei a, tuabang hi leh mi khat in zankhat giahman ding in US $ 20 or30 ciang bei ding a, zannih ai ding in bel US $ 60 vaalbei hetlo ding.

Sum bei thuah zo lo ding meltheih zongh ngai kawm giahnang ko leh ko vaai hawmding a ci nuam te pha mawhlo, sumbeih thuah ding haksa meltheih zongh om tuanlo a hih hangh zin tun nang ongvaai hawmsak un a ci te ki vaai hawmsak ding A hunzui in ki kumto zeelni. Lungdam

En Lian Pau
ZWC USA 2015, Florida Vaaisai pii