Zomi taangpaal khat MIT Webpage ah suak

Dear Zomi pih laisim khempeuh

Tulai Zomi te sungah Zomi vai / Zomi movement a ki lim gen mahmah laitak leh Feb 20, 2013 leitungbup ah Zomi te omna khempeuh ah Zomi Nam Ni a kilim bawl mahmah khit a zingciang Feb 21, 2014 ni-in USA gam, Massachusetts gamke, Boston khuapi a om leitung ah sang minthang pen te lak ah khat a hi Massachusette Institute of Tecnology ( MIT ) sangpi in New Web page sungah Zotaang khat a hi Tg. Suan Lian Tuang @ Tuangpi maan leh a ma background taangthu kicing tak in ong kisuaksak hi. Tg. Tuangpi in a mah leh a mah Zomi mah na kici setset a hihman in angtanhuai, etteh huai mahmah ka sa hi.

15suan

Tg. Tuangpi pen Pa Thang Lam Tung Pau ( Anlangh ) leh Nu Niang Ngaih No @ Nokek ( Anlangh ) te sungpan a piang u nau numei 2 leh pasal 2 sungah pasal a u pen hi-in a u nungak tegel zong tulai tak a mau tenna Orlando, FL ah Nurse sem in pasian thupha a sim laitak uh a hihi. Tg. Tuangpi pen a beisa kawlgam a om lai un Dagon sangpi pan tansawm all D tawh ong zo a pahtawina tuamtuam leh ZBCM pawlpi pan a pawlpi dendan lo a Zomi a gualzo khempeuh a pahtawina uh sum tang teng 10 zong ngah ngei hi. Zomi sungah thupha om hi. hauhna om hi. pilna om hi. zomi kicih ding lunghiang kei in. 914 Zomi ah kigawm ciat ni.

a ma thu a kisuahsakna hih website ah na lut in.

www.mit.edu or http://web.mit.edu/newsoffice/2014/across-an-ocean-finding-his-dream-0221.html

Angtanpihna tawh

Sawm Lian
Tulsa, OK