Zomi Siama khat thautawh ki kaplum

Zomi Siama khat thautawh ki kaplum

Zan nitak nai 9:30 pm kim in Syamah Dim Lun Mang pen Meitei te khat in thautawh hongkaplup sak nahang in ihdahmahmah hi. Syamahnu pen Khaikam myo a teng hi a, Khaikam AG pawlpi mi hi in, kum 27 nungaklai hi in (Kim Do Lian) le Pi Man Thian Dim te` tanu ahihi. Tonzaang gam, Haiciin kuam Tuivial zaang (inn 14 kim apha) khua ah sangsia sem khat ahihi.

Asihna ahang ihkan ciang in

Misi nu Syamah Lun in asihni zingsang nai 10 Am kim facebook ah athugen te ih et ciang ki mu thei hi.

Agen na ah “zanni tak in a inn vengpa (mi thatpa) Zukham in zantha pai la ngaihmahmah in hong ahihman ki ihmu theilo hi. Vapai in na la hon uh ginglua khiam un kacih pen, bang mah hingdon pahlo napi, kaciah khitteh kitom keei, azikiang ah amahtawh bangkisai ahia naci. Keizong hausa pa vaphong in kagen leh Syamah Lun aw tuzan nathuakphot in zingteh vagen ci hongci” cih ciang thu ahihi.

Hih atunga Syamah nu thusuah ih et ciang in Meitei pa pen zukham in, kim leh pam athudon vetlo ahihna kilang hi. Bektham lo Syamah Lun in Zukham in Vengte ihmu theilo liang in Gingtak in La ahon avakhohna pen alungkim hetlo cih kimu thei hi.

Meitei mithat pa pen Vinod (or) Binod (kum 40 kiim) Behiang ah omngei in tua lai ah zi 2 neingei ci hi. Azi masa si in azi nihna tawh aneih atanu keng in Tuivial Zang ah om hi. Tuivial Zang te Nu Cing Hau Kim tawh akiten laitak ahi hi. Ta pasal 3 nei uh hi.

Meitei mithat pa in Tamveipi thautawh kapin, tua hunlaitak in Sangnau pang nih zong akiang ah om ci hi. Syamah nu in anuntakna abeilawh banah sangnaupang nih te lungsim zong kisiasak laiding cih ihngaihsutteh ihdahna kithuap mahmah hi.

Syamah Lun a kaplup khit ciang in Behiang lam ah taito kici hi. Aluang pen tuzing in Tonzang zatopi ah siavuan te’n a et khit ciang in Kawlpi kipuaksuk aa, Zumvai kisam omlai ci ahihman Tonzaang ah kileh puak kik a, banghun Khaikam tungkikding kitheinailo hi. Alemleh ZTV pa LIVE hong khahlainung… Zomi Post