Zomi MP (ZCD) pawlkhat Tonzang huam Cikha kuamteng ah mipi tawh kimu kawikawi

Zomi MP (ZCD) pawlkhat Tonzang huam Cikha kuamteng ah mipi tawh kimu kawikawi

Tutung Christmas & Happy New Year Holiday Hluttaw/zumkhak sung Zomi MP ahi Pu Gin Kam Lian, Pu Kham Khan Thang, Chin State Social Affairs Minister Pu Paulun Minthang, Pi Cing Ngaih Mang & apawlte leh Party khangno honkhat Tonzang khuapi, Cikha leh Kansau khuate ah va vak koikoi thei uhhi.

Tua bang avazin koikoina vuah Tonzang khuapi ah Tonzang khuapi sung khantoh nang tuamtuam sepnate leh sep ding thute pulaakna va neithei uhhi. Tonzang Liapaal kidemna (Miss Tonzang Contest) nasiatak Myanmar gam pan khangthak ah Miss Universe adem masa pen Moe Set Wine leh apawlte in makaih uh aa, khuanu khuapate in thangah thei mahmah-in tualsung thukizakna leh gamsung thukizak tampite ah zongh kipulaak zihziah hi.

Cikha Myo ah Jan 7-11,2019 sung teng Social Affairs Minister Cup (နယ္ေျမခံဝန္ႀကီးဖိတ္ေခါာဖလား) Minister Pu Paulun Minthang’ makaihna tawh akibawlsan laitak hi. Hih tuukpeng kidemna ah Tonzang huam sung khua tuamtuam pan Team -17 bang kidem ding uhhi.

Jan 7,2019 nitak lam tak ciangin Kansau khua ah tuukpeng kimawlna tual (ေဘာလုံးကြင္း) thak lungdam kohna leh honna nasiatak mah kineithei hi.

Tonzang, Cikha leh Kansau khuanu khuapate tawh kimuhkhopna MP te in neihpih koikoi uh aa, nasepnate pulaakna leh gencianna aneih mah bangun mipite in zong khua leh tui khantoh nang lunggulhna tawh atheihhuai zumpiaziate leh mailam mapankhop ding dante ngetnop, theihnop leh kalsuanzia ding dotna suaktatak hong nei ciat uh aa, MP makaite te in zongh kalsuanzia leh nasepkhop ding maban limcii tampi akicianin pulaakna neithei tek uhhi. Bob Tuangpi (7.1.2019)