Zomi koilam ah ~ Cin Lian Khai

Zomi koilam ah ~ Cin Lian Khai

UNFC in Member thak vai kikupna nei ding a gen phet in, Kumpi lam pan NCA leh Union Peace Conference-21st Century Panlong ah lutsak loh ding vai gen khia pah uh. 2015 Oct khasung a UNFC meeting ah ZRO/ZRA in UNFC ah Membership Application vaipen pending member ah koih uh ahihman in, tun UNFC pan KIO/KIA akipan NCA Signed loteng Northern Allaince lam ah kihei ahihman in NCA Signatories tengbek omlai ahihman un UNFC vang leh a Aw uh nidanddan in ngaih nawnlo ahihman in, Membership Applicant te tawh kisai kikum kik pan ding aci zen uh hi. Ngian vive hi.

ZRO/ZRA ading UNFC ah lut lehzong Platform hoihlua loban ah Political Advantage tawm lua hi. Amanpha Political Advantage leh National Advantage ih cih pen Sisan tawh a kilei hi. ZRO/ZRA in Operation nei a, NA lam ah kihel ahun ta hizaw hi.

Union Peace Conference-21st Century Panlong zong 2015 Oct 15 ni a NCA Roadmap dan a apaipai hin, Non-NCA Signatories tawh kitam sai taktak lo hi. Union Accord atung dekdek hita mah leh Gamsung ah kikapna khawl naituan lo ahih man in, peace ihcih gamla lai mahmah hi.

Demand kibanglo honkhat Tutna khat Sabuai khat tungpan buaina vengsak lo ding hi.

Ih ngaihsut mahmah a, Action ihlak pah ding ah, Chin State ah adang gen kei ni, Tedim huam ah CNF te om, Tonzang huam ah Meiteite om, ih omna hong kizimcih khin, ka gam ka lei ihci a, Kamkei bang ih hang, ihgual in zingvai hong hawm khum ta.

Tua ahihman in Zomi tangval pawl amanlang in Northern Alliance lam ah pilna sin in vakuan ziahziah hunta lua hi.

Refugee – Refugee vai bangzong Zomi movement hoihtak khat suak thei napi, refugee vai zong zang siamlo lailai hi hang. Muslimte bang va etteh pah ni cihna hi kei in, US Gam tun theihna ding hanciam in, a susia nuamte zong tua refugee tungtawn in na tung uhi. Tua lo refugee vai ah politics leh amau Minam a ding a hanciam leh amau suahtakna ding a hanciam a politics sai zong na om hi.

Karente bang zong US pan a mipihte huhna tawh a movement bang uh a hatzo hi mawk hi. Ei Zomite zong hih refugee vaipen Zomi movement khat ah la thei in hi le hang mailam hun ah, tulaitak in bangmah i hihzo kei ta zong in, ong phatuam kha ding hi cih um ingh.

USA pan ZIUSA in Ih Gam ah Zomi Movement thahat nang hong mapang uh, a langpang nuam, Kipawlna ah alutnuamlo mimal bek thamlo, tua kipawlna sang anashia zaw ding Pawlpi kipawlna khong ah ahahkat mahmah omlai zen hihangh. Pawlpi pan Pastorte samsam in tuatawh Zomi Vai kisemsak mahmah mi honkhat omlai zen hihangh. Ataktak in Zomi Pastorteng kipia Sum teng tawh Zomi Movement sem lehangh Zomi State bang a ki claim zo ta ding hi.

Hih ka cihna in Unaupih ahi Marate Falamte Mizogam Falamte leh Mizogam Marate hi ci lampang bang ah na na ki nak huh mahmah uh a, a vai uh nakpitak in ei Zomite sang in lampi ki hong zaw tawh kibang hi.

Dr. Hrekio in Indianapolis apawlpi pan CNF te huh ziahziah hi. Biakna lampan ih Minam makai leh nasemte ih panpih ahun ta mahmah hi.Pasian it pa, abia, piangthak Mi khempeuh in Minam it ahihman in , Ei Zomite ading lungdamna lianpi hi. Pawlpi pan Minam nasep kipat hun ta mahmah hi.

“Thumanna in Minam minthang sak a, mawhna in Minam min daisak hi”. Paunak: 14: 34 Lungdam, Cin Lian Khai(Zogamkhaino)