Zomi Khawmpi USA ah DC Area pan Zolia te gualzawhna

Zomi DCA news: Zomi Khawmpi USA ah DC Area pan Zolia te gualzawhna

Tulsa, OK ah akibawl Zomi Innkuan USA Khawmpi kidemna te ah Zomi Innkuan Washington DC Area (Zomi DCA) min tawh akihel leh akidem anuai aa Zolia ten gualzawhna hong ngah uh ahih manin Zomi DCA pan kilungdampih mahmah hi.

1. Zomi Idol USA 2018 kidemna ah Lia Niang Sian Muang (Muangboih) in Winner (Akhatna) hong ngah ahih manin kiangtanpih mahmah hi. Lia Muangboih pen Pa Suan Mang leh Nu Zen Ngaih Lun te Tanu Upen hi aa, Guite beh ahih hi. A Pawlpi pen Zomi Christian Community Church (ZCCC), D.C Area hi aa, akhua lui pen Vangteh khua ahi hi. Tulai tak Catonsville High School, Catonsville, MD ah sang akah lai tak ahi hi.

2. Zomi Idol USA 2018 kidemna ah Lia Ngun Neih Par (Ngun No) in Anihna hong ngah ahih manin kiangtanpih mahmah hi. Lia Ngun No pen Pa Khai Khat Suan leh Nu Bawi Za Nem te Tanu hi aa, Ngaihte (Vanggaw) beh ahih hi. A Pawlpi pen Zomi Christian Community Church (ZCCC), D.C Area hi aa, akhua lui pen Vangteh khua ahi hi. Tulai tak Catonsville High School, Catonsville, MD ah sang akah lai tak ahi hi.

3. Miss Zomi USA kidemna ah Lia Cing Lam Kim (Kim Lek) in People Choice Award leh First Runner-up (Anihna) hong ngah ahih manin Zomi DCA pan ki angtang mahmah hi. Lia Kim Lek pen Pa Khup Za Pau leh Nu Dim Sian Zam Tanu hi aa, Tawmging beh ahih hi. A Pawlpi pen EBC, USA- D.C Area hi aa, akhua lui pen Sezang (Pupa pianna, Saizang) khua ahi hi. Tulai tak Lansdowne High School, Halethorpe, MD ah sang akah lai tak ahi hi.

More: Washington DC Area pan Zomi 6 in Degree leh Diploma tawh gualzawhna ngah

Hi bangin i Zolia ten gualzawhna lianpi hong ngah uh ahih manin Zomi Innkuan DC Area pan nakpi takin kilungdampih mahmah hi.

Zomi DCA News Group
Information Department
Zomi Innkuan Washington D.C Area