Zomi khangno leh Tansang pilsinna ~ Nang Sian Thawn

Zomi khangno leh Tansang pilsinna ~ Tg Nang Sian Thawn (AIT, Thailand)

Pilsinna pen zawnna do na ding; cidamna leh nopsakna lapsang na ding; khantoh na ding leh vaipuak zo gammi khansak nadingin a muibun pen Pilsinna hi (UNESCO, 2015). Zawnna khiap nading, cidamna, numei-pasal liangko kikimna; lemna; leh kipkho nadingin khauhtak a a tawsawn pen Pilsinna hi (World- Bank, 2015).

Tua ban-ah; Tansang Pilsinna (Higher Education) in sumlut khang sakin makaite khuamusak (enlightening) hi (Hyden, et al., 2003). Research tampi tak in a kibangin a muhkhiat khat pen sangkah sau- vei semsem, mimal sum lut sang semsem cih hi (Hanushek and Soessmann, 2007).

Ih gam bupah day (conventional) tawh sangkah pen 40% bek kipha-in distance tawh 60% bang ki- pha venvan mawk hi (UNESCO, 2013). Distance pen a ciikna (quality) en ding hi leng niam mahmah keii sam hi. Ahi zongin ih gam mi khat hihna leh nasep ngahna dingin gamsung degree ngah ding ong thupi leuleu ahih manin distance degree zong kineuseek thei tuan lo hi.

Zogamah Tan 10 zo pen mundang tawh tehna-in kitawm thilthial na pi, a zo khempeuh zong Tansang zom gai zo lo lai mawk hi hang. Tua pen adiakin ahang anuai a (5) hi pha diak hi.

(1) Ih khua ah inn a kihuansa an tawh kah theih nang degree pia thei University omlo. (Chin State aa ding university 3 Kawlpi ah om mikmek in Chin State sung ah University nei masa peuhpeuh a khangto baih penpen ding hi pah lel hi. Hih ih neih theih na’ng bel teelcing taangmi’te vaipuak ci ni).

(2) Kizawng lua mahmah (Tansang kah tam tektek leng zawnna zong damdam-in ong kiam ding hi)

(3) Nu-le-pa’n zong ih tate’n Tansang a zoptheih nangin panpihna ah kithanem. (Nu-le-pa mah in zong tate’ tha neek pah sawm kei ni; pilna mah sinsak phot ni).
leng)

(4) Khangnote’n sum-le-pai zon ding kimasak kha. (Khangnote’n zong sum-le-pai deih baih lua kei

(5) Media lam panin zong Tansang kah theih na’ng information leh scholarship program omte mipi tung kitun zo lo. (Information leh guidelines pen media pan nasiatak a mipi tung ih piak zawh ding lunggulh huai).

A tung-aa ih gensa tawh zom kik leng Tansang semsem leh sum lut tam semsem hi a, khantohna ding a tawsawn pi pen zong tua mah ahih manin Tansang zom Zomi ih tawm ciang ih khantohna zong a zekai leh sum lut zong a tawm ding hi pah hi.

Tu-in khuahun zong ong kikhel in mipi nasemte’ khasum zong nuntak theihna ciang ding ong hita ahih teh pawlpi, nu-le-pa, khuasung kipawlnate, leh media om sun teng in Tan 10 zo khangnote gamsung gampua ah Tansang a zop theihna dingun panpih a, khangnote mahmah in zong day ih kah zawh kei leh dis- tance tawh hanciam aa Tansang ih zop ngiat ding tha kipia nuam hang. Tg Nang Sian Thawn (AIT, Thailand)