Zomi Innkuan Korea te’n Tedim ah huhna pia

Zomi Innkuan Korea te’n Tedim ah huhna pia

Zomi Innkuan Korea In a (8) Veina Zogam’ huhna piakhia :: Zomi Innkuan Korea in abeisa 2012 kum pan kipanin Zogam Zomi ading hih theih zahzah tawh mapan nate ki zom toto in, tukum 2020 kumin zong Zogam Tedim Khuapi ah huhna mun nih ah kipiakhia thei hi.

1. Tedim khuapi Sakollam vengah Public Zunbuk khat lam nading huhna kipiakhia hi.

Zunbuk pen No. (1) BEHS sangpi khang, Kamhau road leh Tedim road kituahna lam zikpi sakah kilam hi. Zunbuk lamna tawh kisai vai khempeuh Tedim Christian Fellowship in vaipuak hong laksak uh ahih manin amaute tungah zong nakpitakin lungdamna i ko hi.

2. Hornbill Nursing Home ah naungekte Oxygen piak cianga zat ding “Handheld Vital Sign Monitor khat leh Neopuff Infant Resuscitator khat zong kipiakhia thei hi.

Zogam Zomi itna leh veina tawh ma apang, Korea aom Zomi akuamah khempeuh tungah lungdamna i pulak hi.

“Sepkhopna in lawhcinna ahi hi” Lungdam!!! Thawng Za Mung (Secretary, Zomi Innkuan Korea)