Zomi Baptist Association of North America pan Taangkona

Zomi Baptist Association of North America pan Taangkona

Zomi khempeuh, Leitungbup,USA gam leh Canada gam a om Zomi khempeuh,ih Topa Pasian in thupha hong pia tahen!Amen.Pasian hongit na leh khasiangtho ki-it na te bulphuh in,a nuai a thu te kong taang ko khia uh hi.

Tulaitak in USA gam leh Canada gam te ah Zomi te makaih na tawh Pawlpi(Church) 100 val kipha ta a hih manin,Topa Pasian tungah lungdam na ih ko masa hi.

Tu lai takin hih USA gam sungah kipawl na (2) om khin in ZBCA(Zomi Baptist Churches of America) leh ZBANA (Zomi Baptist Association of North America) cih te gel ahihi.

ZBCA pen Kawlgam a om ZBCM ( Zomi Baptist Convention of Myanmar) te tawh sumpi seh suah leh Mission nasep na tawh direch a ki zom te ahi uh hi.

ZBANA – pen kawlgam ah direch in kizop pih nei lo ding aa,mission na sep na te ah pawlpi tuamtuam dei dan neilo (EBC,SDA,RCM,AG,ZBCM,TBC,UPC )kuamah deidan neilo in sep zawh zahzah sep khop ding a ut teng kipawl na ahihi.

ZBANA pen Southern Baptist convention khut nuai a om,NAMB(North America Mission Board)te ii makaih na nuai aa kiphuan khia ki pawl na a hih manin,SBC tupna leh ngimna om bang in,damdam a kikal suan toto a hihi.

Hong tung ding May. 01. 2016(Sunday) ni ciang in zong-Zomi Baptist Church te Pastor pa Sia Pau Khan Khai(Rev.Tuang Khan Kap,Pyidawtha Baptist Church ii makpa) Ordination piak na ki nei ding aa,tua lai ah mikang association (Woodland Baptist Association,Grand Rapids,South Central Baptist Association)leh ZBANA Zomi Baptist Association of North America ki ci Association (3) pan Ordination Council teng in khut ngak na leh thupha piak na ki nei ding hi.

Hih lai a sim kha khempeuh in zong hong uap ciat unla, Mi nam leh Pasian aa dingin ma pangkhawm ciat ni cih kong zawn uh hi. Lungdam, Sia Nang Sian Piang