Zomi America atung masa pen kua? ~ Sia Pau Khai

Zomi America atung masa pen kua? ~ Sia Pau Khai

Zomi uleh nau, Rev. ST Hau Go pen 1948 kum in America gam Philadelphia khuapi natung ahih manin atung masa pen hidingin kalam en hi. Amah sangin atung masa zaw aom leh hehpihna tawh hong gen un.

Bang hangin Rev. ST HauGo US gam na tung masa hiam cih theihhuai kasa hi.

1. Second Baptist Church of German town ten apawlpi mi uh Joseph H Cope 1908 kum in Zogam ah Pasian nasem dingin hong sawl hi.

• 2. 1908 kum in Hakha tungin kumnih sung nasem hi.
• 3. 1910 kum ciangin Tedim ah hong om to in kum 28 sung na hongsem hi.
• 4. 1915 kum ciangin Zolai tawh simtheih dingin Mate Laisiangtho honggelh sak hi.
• 5. 1932 kum ciangin Zolai tawh simtheih dingin NT (Laisiangtho thak) honggelh sak kik hi.

6. 1938 kum June 11 ni in Hakha ah hongnusia in June 12 ni in kivui hi.

7. 1977 kum ciangin Zolai tawh Laisiangtho bup simtheih dingin inei thei a sangmang te gah mah hongsuak toto a tua Laisiangtho hong letkhiatsak pen Rev. Dr.Kam Khaw Thang te Rev.Khup Za Go te hong hito tahi. Amau te zong zahtakna leh pahtawina ipia hi.

8. Cope Asihzawh kum 10 cin kum 1948 ciangin Rev. ST HauGo Philadelphia ah sangkah dingin va pai a tuni dong atanu te Dim te unau omlai a inn nuammahmah nei uh a ,Ei Zomi sungah US gam atung masa pen pa hongsuak hi.

9. US leh Zomi te kizop dan iet ciangin Sangmang Cope tungtawn hongsuak mawk hi. Pasian hangin kizopna akipan hong suak hi.

10. Rev.ST Hau Go apaizawh kum 64 acin ciang in Zomi te tu ni in atultul in Pasian thupha tawh lamtuamtuam panin US ipai thei ta hi.

11. Pasian hangin US atung thei te ihih manin tuni in zong Pasian mah athupi pen in ikoih den ding thupi mahmah hi.

12. US gam ah om napin US gam neihsa leh pilna te enghetlo in ingahzawh nadingin Pasian mah it in zahtak ciat ni.American te Pasian leh Zomi te Pasian kibang hi.

13.US te leh gamthupi tuamtuam te alamlak Topa mah in Ei Zomi te honglamlak in honggualzawh pih tahen.

14. Kum 2011 Oct 10 nitakin Zogam Sangmang sem te lak ah adamlai Nelson Tonu tawh kaki thei a, honggen na ah ” Hau Go zineih ni in kala sak hongsa kik ning ci in Piano tawh hongsa a- Thupha Zeisu Thupha Zeisu ” cih la ahihi.

Rev. ST Hau Go pen Zomi te adingin US gam adingin kong hong masa hongsak hi. Topa thupha, Rev.Pau Khan Khai