Zomi All D ngahte pahtawina kipia khin ~ Sia Pau Khai

ZBCA in Pasian leh Zomi adingin anasep te lakah khat pen All D ngahte pahtawina ahihi.
Tutungin Zomi All D ngahte mi 4 tungah ZBCA mintawh ks. 4000000 ( Four millions) kipia khia khin ta hi.

Pahtawina akipia khin mi 11 hi-in tutung in mi 4 kipia thei ahih manin agawm in mi 15 tungah ks. 15,000,000( 15 Millions) akipia khin ahihi.

Tutungin ZBCA mintawh Rev. Dr. Tun Cin Kap leh Rev. Pau KhanLian te ZBCA gambup aitangin innlam vaciah thei uh a, Lungkimhuai takin pahtawipiakna te makaih thei uh ahih manin ZBCA gambup kilungdam mahmah hi.

YANGON AH PIAKNA:

Nov 27 nitak in -A 3 veina GZA khawmpi -Yangon ah Yangon pan angah mi 2 te- GZA pawipi bawlna TBCY Biakinn pi sung pan pahtawina kipia thei hi. Sia Kaptawng , Sia Pau Lian leh Sia Dalpi ten pahtawipiakna makaih uh a, Laipi pen Dr. Do Suan Mung ( GS, GZA ) in piakna nei in, Sum tang pen Dr. Pau Khan En ( President, GZA) in piakna nei thei hi. Pahtawi angah nulehpa te tungpanin ZBCA Siate nih tungah puanlaisan hongbaat thei uh ahih manin kilungdam mahmah hi.ZBCA mintawh Nov 27 nitak in GZA pawipi sim khempeuh Nitak ankuang umpihna leh Zomi bup tungah thupha dawhna kinei thei a, ks. 1,500,000 bei hi. ZBCA pen Zomi te adingin Biakna kipawlna hi a, ahizongin Pasian leh Zomi te adingin akisam mun mun ah mapang dingin akiging sa in omden hi.

Rev.Dr. David Suum kammal thupi khat: ” All D ngahte pil mahmah uh a, tuate apilna dingin a pantah Nulehpa te pil mahmah hi, apil mahmah All D ngahte leh Nulehpa te tungah apil taktak pen ZBCA te ahihi, banghang ciam cihleh mipil te tungah pilna tawh apahtawi siamte ahi uh hi” ci hi. Athupi kammal hoih ahihi.

KALAYMYO AH PIAKNA:

Dec 2 nitak in Bethel Zomi Tuiphum Biakinn pi sungah Kalaymyo huamsung pan Zomi makai tampi te leh ZBCM EC kahteng, ZTS consultation kah teng tawh mi tampi tak kihel thei in, ZBCA mintawh Sia Kaptawnt leh Sia Pau Lian mah va kihel thei uhhi.

Korea ZCF mintawh zong All D ngahte mikhat ciangin ks. 150,000 tatawh pahtawina pia uh hi. Thupi mahmah uh hi.

Sia Pauta ( Mogoke ) in kipatna thungetna nei hi.
Sia Langh Kap ( AGS,ZBCM ) in thukong honna nei hi.
Sia Kaptawng ( ZBCA ) in Pahtawi piakna tawh kisai tangthu tomno genna nei masa hi.

Sia PauLian ( ZBCA) in zong thutomno genna leh Interview bawlna nei hi.
Sia Tua Mung ( President, ZBCM) in thupha piakna nei hi .
Siamah Cingneu ( Asst Pastor- Leipi BC) in tawpna thungetna nei hi.
Pahtawina te pen Sia Kaptawng leh Sia Pau lian te tungpanin piakkhiatna kinei hi.
Kalaymyo ah : All D ngah mi 4 teng avek un hongkim thei ahih manin Lungkim huai deuh hi.

Pilna in gamsung khangto sak hi.
Pilna in gamsung cidam sak hi.\
Pilna in gamsung kipsak hi.
Pilna in minam khangto sak hi.
Pilna in minam kipsak hi.
Pilna in minam lamsang hi.

All D ngahte min te:

1. Tg. Thawn Suan Muang.
2. Tg. Thang Hau Sum
3. Tg. Pau Sian Muan Sing
4. Lia. Vung San Lun.

ZBCA pen America gamsunga om Zomi te adingin Biakna kipawlna ahihi.

Lungdam mahmahna leh angtan mahmah na tawh,

Rev. Pau Khan Khai
Secretary General
ZBCA.
Dec 2,2016.