Zolia & Zotaang “People Choice Award” ngahte lungdam pihna

Zolia & Zotaang “People Choice Award” ngahte lungdam pihna

Tukum Zolia & Zotaang Malaysia 2014 ah “People Choice Award” hongngah Zolia leh Zotaang tepen anuai a tegel ahihi.

Zotaang People Choice Award : Cin Khawh Thawn Mang

Zolia People Choice Award : Zam Lam Dim

Zotaang khempeuh lakpan Tg. Cin Khawh Thawn Mang in Total Like 2785 tawh “People Choice Award” hong ngahkhia hi. Tuaban ah Zolia khempeuh lakpan in Lia Zam Lam Dim in Total Like 3482 tawh “People Choice Award” hong ngahkhia hi.

Tg. Cin Khawh Thawn Mang leh Lia Zam Lam Dim te hong lungdampih mahmah ung. Congrats!

Zolia & Zotaang te Facebook tungpan LIKE ki piatheita

2014 Zolia & Zotaang kidem ding Zolia 11 leh Zotaang 20, vekpi gawm mi 31 hongki helthei uh a, tulaitak hih Page www.fb.com/zomidaily ah People Choice Award dingin LIKE aki demlaitak ahihi.

October 03 (5pm) panin October 13 (5pm) hunsung Facebook LIKE tengban ah Malaysia Professional photographer te’n Mark hongpiaksak dinga, tua tungtawn in Zolia & Zotaang “People Choice Award” aki teelkhiading ahihi.

(“People Choice Award” pen Zolia & Zotaang Title hilo hi.) Zolia & Zotaang taktak pen 15 October 2014 Khuado Pawi niciang in mipi mai ah Judges te’n hong telkhiat sakding uhhi.

Theihding: Like atampenpen kidemna ahih mahbang in Official Page ahi www.fb.com/zomidaily tungah Like akipia tengbek kisim dinghi. Mundang ah mikhatpeuh in a Upload kikte ii Like pen kidemna ah simtheih omloding cih kong theisakkhol uhhi.