Zolakam kikup khawmna ~ Lengtong Pauno

ZOLAKAM KIKUP KHAWMNA (keima ngaihsut dan hi)
SI BANG NUI LEH NAU BANG KAP

1. Si bang nui
Hihpen khiatna namnih neisak ing. Ipu ipa te’n bel, lolai a iciin sising icihte akeu’ agam’ cianga… aging sengsengh pen anui awging dana ala uh hidingin ummawh ing. Kei zong tel tuankeng.

Christian Tapidaw te’ upna ah, mihingte pen suahphet a kap, nui hiuhiau kawmsa a si, cih hizaw ahihmanin, sidinga nui acizong hithei dingin ngaihsun ing.

2. Nau bang kap

Hih bel, telkim tekkhin dingin ki ummawhtek hangh.

Mawhna sihna, dahna kahna, gentheih haksatna leitungah, anungta dinga anu’ sungpan ahongsuak naungeek dahin kap napi, akiim akianga aommi khempeuh lungdamin si bang nui uh hi.

Mawhna sihna, dahna kahna, gentheih haksatna leitung anusiading misi pen nui hiuhiau napi, akiim akianga aommi khempeh dahin nau bang kap uh hi.

Ka lungdam, Munkhai’pa

Video: Lakam tawh kisai Lengtong Pauno ~ Zomi Idol Malaysia 2015

https://www.youtube.com/watch?v=4H9lH9CXNWI

GILTUI TE’ ADING GOOD NEWS

1. Zingthophetin tui hai 1 (half litre) or hai 2 (1 litre) nadawn khitteh, zuntha-maiphiat panin.

2. Zingannek khitphet tui dawnpah kei in. Annekkhit nai 1 khitteh dawnpan in.

3. Sunannekma nailang (30 Minutes) sapin, tui hai 1 dawnin. Na neek anzong haizaan dikdek in. Annek laitak, tuivot (ice), tea, coffee cihte dawnkei in. Annekkhit nai 1 asawtteh dawnpan in.

4. Nitak annekma nailang (30 Minutes) sapin, tui hai 1 dawnin. Annekkhitphet lumpah kei in. Atawmpenin nai 2 khitteh, tui hai 1 dawn inla, lumin.

5. Nisim in, natut ciangin, na kawng (waist) tangsak sitsetin tu in. Kawi/sawi liangluang sa a tutna in, gilpi sungah, athau dat (cholesterol) te kikholsak hi.

6. Na tutciang, din’ciang, lampai ciangin, na kawng tangsak in. Annekma nailang, annekkhit naikhat a tuidawnnate in, gilpi angawi hatsak hi. Hundangte ah na duh hun hunin dawnin.

Daw Lun hong khahkhiat, theihhuaisa a, kong laksawnkik ahi hi.

Ka lungdam, Munkhai’pa

GENSIAT NA THUAKZAWHKEI LEH

Mi’ hong gensiatna na thuakzawh mahmahkei leh, si lecin, hongki gensia nawnvetlo ding, na luang omlai sungteng bang, na hoihna omsun teng ki sutsutding hi ei’… hahahaha

Notes: Isih mateng gensiat thuakzawhsawm ding, cih hiziau…

Lungdam, Munkhai’pa

LAWMTA THUKI DONG, DAWNG

Dong: “Lawm, no’ tukum khawhsa an nahau uhia? Naki khomding uhia?”

ci a adot leh, alawm pa’n,

Dawng: “Ka innkuan uh’n, kaci uh adam leh, puuksi nu’ng”…cimawk.

Notes: “Nekhom kei nu’ng” aci nuam ahi hi.

Ka lungdam, Munkhai’pa