Zogam Zomite tung kihuh kipanpih ziading pulakna

Zogam Zomite tung kihuh kipanpih ziading pulakna

COVID-19 hang in nekledawn ding omnawnlo a cimawh takpi khempeuh Zomi COVID-19 Response Committee (ZCRC)in kihuh kipanpih nuam hi. Zomibup tung huhna i kipiak nophang Fund neihsa kicing zo nailo ahih manin a cimawh zawdeuh takpi, meikhu paisuak ding dingmun ah a om te ZCRC tungtawn in huhna i neih bangbang piakding in kigel khia hi.

A khuakhua a munmun pan a cimawh takpite in ZYA makaite tung ZYA omlohna ah hausa upa makaite tung nana zasak un.

ZYA Makaite/ Hausa upa makaite in ZCRC tawh Kizop zia ding phualpi 6 ki gelkhia a, notawh na kinai na penpen phualpi tung nana zasak sawn un.

Phualpi 6 sehna a nuaia bang hiding hi.

1. Cikha khua le akim akiang khua teng ZYA Cikha in pan hong lading hi. ZYA Cikha (Phone 09265113750)

2. Tonzang khua le akim akiang khua teng ZYA Tonzang in pan hong lading hi. ZYA Tonzang (Pupu Thang 09253534987)

3. Tedim khua le akim akiang khua teng COVID-19 Emergency Committee, Tedim CSO in pan hong lading hi. Phone Pa Thawng Sian Tung 09253283651

4. Tamu khua le akim akiang khua teng ZYA Tamu in pan hong lading hi. ZYA Tamu (Pa Enthawn 09256155953)

5. Thangkai kuam a om khuate ZCRC EC Member Pa Zamthuam in pan hong lading hi. Pa Zamthuam Khaikam Phone 09400307982

6. Kawlzang kuam a omte akhuakhua a ZYA makaite in pan hong lading hi.

A khuakhua pan cimawh takpi mah hi cih Hausa upa makaite/ ZYA makaite theihpihna tawh phualpi 6 a kizasak te ZCRC tung hong tun nakle amanlang thei penpen in neih bangbang tawh hihtheih zahzah in hong kihuh/ hong kipanpih ding hi.

COVID-19 Virus vai pen bangtan sawtin, bangteng kituak kha to laiding cih bangmah kigen khol theilo ahih manin, i vekpi in kipawlkhawm in lung kituak takin ma i pankhop tohtoh loh phamawh ding hi. Topa’n Zomite hih gentheihna pan hong suakta sakkim ciat ding i thungetna lianpen hi. Zomi COVID-19 Response Committee April 26, 2020