Zogam vs CNF (Laisiangtho tawh gentehna)

Zogam vs CNF (Laisiangtho tawh gentehna)

I kumpite 21:3 Naboth lenggah huanpen Israel kumpi ahi Ahab in hong deihgawh tak ciangin Naboth tungah leiding in vagen hi. Ahih hang in Naboth in apu apa tung pan angah ahi leitang pen a zuak ding Pasian thutawh a ki tuah loh lam thei a hih man in na phal lo hi.

Siampilaibu 25:23 na ah, gam pen Pasian a ahih man in zuak ding pen Pasian in na phallo hi. A gilo Jezebel in alawmpa deih mahmah lenggah huanpen angah theihnang vaihong hawnin zongh hong ngah sak takpi hi. A thuman Naboth pen Jezebel thupiak bang in upa pawlkhat in khuapua lamah kaikhia in suangtawh na denglum uhhi.

Ahab tungah Pasian hehna gen ding in kamsang Elijah na sawlhi. Agen ding thuin Naboth sisan luang in ui in a liahna mun ah nang sisan zong tuamun ah ui in liak ding cih thu a hi hi.

Pasian gen mah bang in tomgen leng Naboth te inn kuan sung ah sihsiat na tawh hong si khin uh hi. Banghang hiam cih leh huannei pa phal na om lo pi in huan a lak sak man a hihi.

Tua mah bang in i pu i pa tungpan a Zomi te neihsa i gam i leitang te pen hong mawk lak sak tetung ah Pasian heh na tung ding hi. I gam leh i leitang te ikep i hut ding pen Pasian deih na a hi hi.

Zomi te neih sagam hong deih gawh CNF tepen Zomi teng ki thutuak a i kham dingpen LST tawh ki tuak a hihi. Ahab in Naboth tung ah leiding in na ngen hi. CNF ten Zomi te tung ah leiding in hong ngen hiam? Hong lei ding uh hi leh zong phal loh ding kim lai ah, theih loh kal in na ngahsawm mawk uh hi.

A tawpna ah Thuman lo pi a, a gamta Ahab tungah Pasian heh na a tun mah bang in Zomi te tungah thuman lo a honggam ta tetung ah zong I biak Pasian lungkim tuan lo ding hi.

Lai at:
Pau Khan Thang
Bangalore, India