ZNDP dinpihte (Khuaksilna)

ZNDP dinpihte (Khuaksilna)

1) Zogam Zomi adingin ma kinawt dinga party dangte dembawlna in hun naikhat zong kizang lo ding hi.

2) Zogam Zomi adingin a ut a vei a om nakleh Khangham khangno, pilna nei, avei taktak le Zomi bup ong lamsang zo ding khempeuh deidanna omlo in ki sang ding hi.

3) Candidate te in siamna, hihzawhna, gam adingin akipiak khiatna te ki en dinga deidan neilo telsa neisim cih dan tawh CEC te in nasem lo ding hi.

4) ZNDP in Party hunsaupi aa dingin khangno tampi tak pantah ding ngimna kinei aa a ut khempeuh in tu in party member lut in nong kihel na dingun kong zawm uh hi.

5) Party in, Zogam Zomi adingin khantohna ding sem ding cih ngimna aom mah bangin, a vei taktak a sem zo ding taktak, Zogam bup a makai zo ding, Zomite pen namdangte lakah hong tawi sang zo ding mi muanhuai aom nakleh party member lut masak sese kullo, Party makaipi dinmun na ngawn ah panmun kong pia pah ding uh hi.

ZNDP, EC thukimna om bangin hih anuai aa thu (10) teng kikip sak hi.

MP Candidate khat i zuih ding thute;

(1) Minam min sang minam khantoh nading sepkhiatna thupisak masa mi hi ding

(2) Mee zon hun sung mipi tungah kamciam piakte atangtun zo takpi mi hi ding

(3) Ang sung bek khuallo aa, mipi akhual ngiat mi hi ding

(4) A zawng/hau, a pil/hai a deidan lo mi hi ding

(5) MP khat i nasep ding mipi tawh kizopna leh gamvai a telngiat mi hi ding

(6) Minam a ding ahih nak leh maitang singhawng belh liangin a phulngam mi hi ding

(7) Gamvai minamvai khat peuh a om nak leh a hunhunin a phual ah atung pah avan zo pah mi hi ding

(8) MP nasep a sep ciang party vai sang mipi a ding asem akipiakhia zo mi hi ding

(9) Hluttaw kah ciang lusu vetlo mipi tangsapnate a pulak zo ngiat mi hi ding

(10) Mundang gamdang pai sang Hluttaw kah ding a thupi sak zaw mi hi ding hi. #ZNDP Meik Zogam Geik Agengh!