Zomi Innkuan USA
Executive Committee
THUPULAKNA
Zomi Innkuan Northwest Florida lungdamna tawh kimuak hi
Zomi Innkuan Northwest Florida kipawlna in Zomi Innkuan USA kipawlna sung ah kipawlkhawm in Gam leh Minam, Khua leh Tui Mabante ah ma apangkhawm dingin hong ngen uh a, Board of Directors pawl thukimna tawh lungdam takin kisang hi.
Zomi Innkuan Northwest Florida kipawlna Makaite, Siate, Upate, Khuanu Khuapate leh Pawlmi khempeuh, Executive Committee pawlin itna leh muanna tawh kimuak hi.
Zomi Innkuan Northwest Florida kipawlna pen Florida Gamkee, Pensacola khuapi leh akiim apaam a om Zomi taangpi taangta in minam khat hihna siksan in aphuh, khua leh tui kipawlna ahi hi. A beisa hun sunin in Pensacola khuapi leh akiim apaam a om Zomi-te in mimal hanciamna tawh Zomi Innkuan USA kipawlna Mabante ah picing takin ma hong pangkhawm uh a, tu in khua leh tui kipawlna phut in Zomi Innkuan kipawlna dinmun pan ma hong pangkhawmta ahih manin Zomi Innkuan USA kipawlna hong thahat sak semsem hi.
Anungta Pasian in Zomi Innkuan Northwest Florida kipawlna Makaite a kipan Pawlmi khempeuh, kipawlna Mabante ah lawhcing takin kalsuan zawhna leh nisim mabante ah cidam lungnuam takin vaidin zawhna thuphate hong guan tahen ci in thu ka ngen uhhi.
Executive Committee
Zomi Innkuan USA
Tulsa, OK
April 29, 2015
Comment piaknop aomleh...