ZCRC pan Zogam sangpite vai tawh kisai thu pulakna

Zomi COVID-19 Response Committee (ZCRC) pan Zogam sangpite vai tawh kisai thu pulakna

Tedim, Tonzang kuam a om Sangpite (High School) sangte COVID-19 nung ah kumpi thukhun zui in ‘A’’B’’C’ level kikhen in sang hon theih nading ki vaihawm hi. ‘A’ level ngahte bek in sang hongthei bek cihdan ahi hi.

Hih tawh kizui in ih gam ah ‘A’ level ngah sang hong tamhetlo mawk ahih manin ih lung hong nuam hetlo hi. Kumpi cidamna lampan a vaikhak uh sangte kitop tawm ding:

• 1. PPE complete (khuttuam, khetuam, lutuam)
• 2. Face shield
• 3. Mask
• 4. Dustbin with Cap
• 5. Lungno kapna bung
• 6. Lungno kapna zatui
• 7. Glove
• 8. Awm dalna
• 9. Mit dalna (Glass wear) teng a kim le ‘A’ level hiding hi.

Tuni in Tedim le Tonzang huam ah sangpi 30 lakpan sangpi 25 bangin ‘A’ level ngah zolo in sang hong thei nailo dinmun ah om hihang. ZCRC tung huhna hong kingetna tawh kizui in sangpi 3 huhna kipia pah thei hi. (Pimpih, Khaikam, Tonzang).

Tuaban a hih vaitawh kisai vailian khat suak ahih manin ZCRC meeting kinei in ‘A’ level a cing zolo sangpite aman lang thei penpen in ’A’ level a ngah zawh mengmeng nading a kisam bangbang mipihte tawh pangkhawm in kivan sak ding in gelna kinei khia hi.

More: Tedim District leh Tuithang Town vai Minister Pu Pau Lun tawh dotna dawnna

Tua ahih manin Zomi sang naupangte zong midang sang naupangte mah bangin pilna ahun lapin a sin theih nading in ‘A’ level cing zolo sangpi te in akisam huhtheih panpih theih bangbang ZCRC tawh ma pangkhawm ding ihih manin ‘A’ level cing zolo sangpi te in huhna akisap le nong zaksak nading un ZCRC pan kong pulak khia uh hi. Zomi COVID-19 Response Committee July 22, 2020